រថយន្តស្តារិចមួយគ្រឿងឆ្លងភ្លើងឆាបឆេះបង្កការភ្ញាក់ផ្អើលទាំងព្រឹក
ភ្នំពេញ៖ ឆ្លងចរន្តភ្លើងឆេះរថយន្តស្តារិច១គ្រឿងទាំងព្រឹកបង្កការភ្ញាក់ផ្អើល ដល់ប្រជាពលរដ្ឋនិងសមត្ថកិច្ច ចេញរថយន្តពន្លត់អគ្គីភ័យ ជួយអន្តរាគមន៍បាញ់ពន្លត់ កាលពីវេលាម៉ោង៦និង៣០នាទីព្រឹកថ្ងៃទី៣០ខែមេសាឆ្នាំ២០១៩នៅ ចំណុចផ្លូវបេតុង ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ រាជធានិភ្នំពេញ។
សមត្ថកិច្ចបានឲ្យដឹងថា រថយន្តដែលឆេះនេះ ម៉ាកស្តារិច ពណ៌លឿង ពាក់ស្លាកលេខ ភ្នំពេញ 2×2894 ម្ចាស់រថយន្តឈ្មោះ អាន មរតា ភេទប្រុស អាយុ២៤ឆ្នាំ មុខរបរលក់ដូរ ស្នាក់នៅចំណុចកើតហេតុខាងលើ ។
សមត្ថកិច្ចបានបន្តថាមូលហេតុបណ្ដាលមកពីឆ្លងចរន្តភ្លើង ហើយក្នុងហេតុការឆេះរថយន្តនេះសមត្ថកិច្ចបានប្រើប្រាស់រថយន្តបាញ់អស់មួយគ្រឿងទើបរលត់ ៕
