ដេប៉ូលក់ហ្គាសនិងសាំង(ប៉ាវ ចិន្តា២)នៅស្ទឹងត្រែងត្រូវអគ្គីភ័យឆេះខ្ទេច
ស្ទឹងត្រែង៖ ដេប៉ូលក់ហ្គាស សាំង យីហោ ប៉ាវ ចិន្តា២ ត្រូវអគ្គិភ័យឆាបឆេះសន្ធោសន្ធៅ និងផ្ទុះធុងហ្គាសប៉ើងធ្លាក់រាយប៉ាយ
ហេតុការគ្រោះអគ្គីភ័យនេះបានកើតឡើងកាលពីវេលាម៉ោង៥និង៤០នាទីល្ងាចថ្ងៃទី៣ ខែឧសភា ឆ្នាំ២០១៩ ស្ថិតនៅភូមិរាជានុកូល សង្កាត់ស្ទឹងត្រែង ក្រុង និងខេត្តស្ទឹងត្រែង។
យោងតាមប្រភពព័ត៌មានពីរប្រជាពលរដ្ឋនៅកន្លែងកើតហេតុបានអោយថា មុនពេលកើតហេតុម្ចាស់ស្ថានីយបានផ្សារដែកដែលមេឃកំពុងក្តៅបានខ្ទាតផ្កាភ្លើងថែមទាំងមានចំហាយ ហ្គាសធ្វើឲ្យមានការឆាប់ឆេះតែម្ដង
-ប្រភពបន្តថា ខណៈពេលកំពុងឆេះនោះក៏មានធុងហ្គាសមួយដ៏ធំបានផ្ទុះយ៉ាងខ្លាំងធ្វើឲ្យរង្គើផ្ទះប្រជាពលរដ្ឋនិងមានដែក អំបែងហោះហើរ ហើយបានធ្លាក់ធ្វើត្រូវប្រជាពលរដ្ឋមួយចំនួនបណ្ដាលឲ្យរងរបួសផងដែរ។
ប្រភពឲ្យដឹងទៀតថា ភ្លាមៗកម្លាំង សមត្ថកិច្ច បានចេញរថយន្តពន្លត់អគ្គិភ័យជាច្រើនគ្រឿង ជួយអន្តរាគមន៍បាញ់ពន្លត់ជាច្រើនម៉ោងទើបរលត់ តែទំហំនៃការខូចខាតសម្ថកិច្ចនៅមិនទាន់ដឹងនៅឡើងទេ ៕
