គ្រួសារបុរសម្នាក់ដែលនៅក្នុងបន្ទប់ឃុំខ្លួននៅប៉ុស្តិនគរបាលអូស្មាច់ សុំអំពាវនាវដល់សម្ដេចតេជោហ៊ុនសែន និងសម្ដេច ក្រឡាហោមសរខេង ជួយផ្ដល់យុត្តិធម៌ ដល់ពួកគាត់ផង
ឧត្ដរមានជ័យ៖ បុរសម្នាក់បានស្លាប់នៅក្នុងបន្ទប់ឃុំខ្លួន ប៉ុស្ដិ៍នគរបាលរដ្ឋបាលសង្កាត់អូស្មាច់ក្រុងសំរោង ខេត្តឧត្ដរមានជ័យ យ៉ាងអថ៌កំបាំងបំផុត កាលពីថ្ងៃទី៤ខែឧសភាឆ្នាំ២០១៩ ក្រុមគ្រួសារសុំអំពាវនាវដល់សម្ដេចតេជោហ៊ុនសែន និងសម្ដេចក្រឡាហោមសរខេង ជួយផ្ដល់យុត្តិធម៌ ដល់គាត់ផង។
សពរងគ្រោះមានឈ្មោះ ធូ ហាត ភេទប្រុសអាយុ៣៧ឆ្នាំរស់នៅភូមិក្រសាំង សង្កាត់បុសស្បូវ ក្រុងសំរោងខេត្តឧត្ដរមានជ័យ។
មានម្ដាយឈ្មោះ ប៉ាល់ ភិន អាយុ៥៦ឆ្នាំជាស្រីមេម៉ាយ និងមានកូន ចំនួន២នាក់រួមមាន៖
ទី១÷ឈ្មោះ ធូ ហាត អាយុ៣៧ឆ្នាំដែលបានស្លាប់ ។ ទី២÷ធូ ហៀត ភេទប្រុសអាយុ ២៨ឆ្នាំ រស់នៅភូមិក្រសាំង ក្រសាំងសង្កាត់បុស្បូវ ក្រុងសំរោង។
ប្រភពពីក្រុមគ្រួរសារសព ដែលស្លាប់នៅក្នុង បន្ទប់ឃុំខ្លួននៅប៉ុស្ដិ៍បគរបាលរដ្ឋបាលសង្កាត់អូស្មាច់បានសូមអំពាវនាវ សូមឲ្យសម្ដេចតេជោហ៊ុនសែន និងសម្ដេចក្រឡាហោមសរខេង និងនាយឧត្ដមសេនីយ៍នេតសាវឿន អគ្គស្នងការនគបាលជាតិ ជួយផ្ដល់យុត្តិធម៌ដល់គ្រួរសារគាត់ផងដែលកូនរបស់គាត់បាន ស្លាប់អត់ដឹងអំពីម៉ូលហេតុនៅក្នុងបន្ទប់ឃុំខ្លួននៅប៉ុស្ដិ៍នគរបាលរដ្ឋបាលសង្កាត់អូស្មាច់កាលពីថ្ងៃទី៤ខែឧសភាឆ្នាំ២០១៩កន្លងទៅថ្មីៗនេះ។
ក្រុមគ្រួសារសពបានបញ្ជាក់ថា ប៉ូលិសប៉ុស្ដិ៍ស្បូវបានទូសព្ទ័តាមរយះអនុភូមិបុស្បូវអោយ ក្រុមគ្រួសារសពចាំទទួលសពនៅវត្ដនិងធ្វើការបូជាតែម្ដង តែសាច់ញាតមិនព្រម ក៍អោយរថយន្ដសាមុយដឹកមកផ្ទះ ដើម្បីស្រួលធ្វើបុណ្យ.។ ពេលដឹកសពដល់ផ្ទះខាងប៉ូលិសបានយកប្រាក់២០ម៉ឺនរៀលចូលបុណ្យ។
ជុំវិញការស្លាប់របស់បុរសខាងលើនេះមិនដឹងថា បណ្ដាលមកពីមូលហេតុអ្វីឡើយ ដោយលោកជ័យវាសនា មេប៉ុស្ដិ៍នគរបាលរដ្ឋបាលអូស្មាច់ព្យាយាមលាក់បាំង ដោយលោកបានបំភ្លឺតាមទូសព្ទ័ថា លោកមិនបានដឹងរឿងអ្វីទាំងអស់ព្រោះមិនមានហេតុការណ៍ មនុស្សនៅនិងប៉ុស្ដិ៍របស់លោកនោះទេ។
ដោយក្រុមគ្រួសារសព សារតែការស្លប់មានអាថ៌កំបាំងអត់មានមូលហេតុ និងមិនមានការទទួលខុសត្រូវទើបក្រុមគ្រួសារមិនអស់ចិត្ត ក៍បានសូមអំពាវនាវ ដល់សម្ដេចអគ្គមហាសេនាបតីតេជោហ៊ុនសែន ព្រមទាំងសម្ដេចក្រឡាហោមសរខេង និងអគ្គស្នងការនគរបាលជាតិនាយឧត្ដមសេនីយ៍ទោនេត សាវឿន ជួយរកយុត្តិធម៌ ដល់ក្រុមគ្រួរសាររបស់គាត់ផង៕
