បុគ្គលិកសារព័ត៌មាន(CPC News)ម្នាក់ទុកម៉ូតូក្នុងរបងផ្ទះមិត្តភក្ភ័នៅខណ្ឌទួលគោកព្រឹកឡើងចោរលួចម៉ូតូបាត់
ភ្នំពេញ៖ យុវជនម្នាក់ជិះម៉ូតូមកដេកលេងផ្ទះមិត្តភក្ភ័នៅខណ្ឌទួលគោកព្រឹកឡើងចោរលួចម៉ូតូបានសម្រេចដោយសុវត្ថិភាព
ហេតុការណ៍នេះបានកើតឡើងនៅយប់រំលងអាធ្រាត្រថ្ងៃទី៦ខែឧសភាឆ្នាំ២០១៩ ស្ថិតក្នុងរបងផ្ទះលេខ១២ ផ្លូវ៦៦៨ស្ទួន ភូមិ១៧សង្កាត់បឹងកក់២ ខណ្ឌទួលគោក រាជធានីភ្នំពេញ ។
ជនរងគ្រោះមានឈ្មោះ ថា លី វណ្ណី ភេទប្រុស អាយុ ២៤ មុខរបរជាអ្នកសារព័ត៌មាននៅអង្គភាពប៉ុស្តិ៍ព័ត៌មាន សន្តិភាពកម្ពុជា (CPC News) បច្ចុប្បន្នរស់នៅផ្ទះជួលគ្មានលេខ ភូមិ៣ សង្កាត់ជ្រោយចង្វារ ខណ្ឌជ្រោយ ចង្វារ។ ម៉ូតូដែលត្រូវចោរលួច Zoomer ពណ៌សលាយក្រហម សេរ៊ីឆ្នាំ២០១៨ ផ្លាកលេខ ត្បូងឃ្មុំ 1F 0906។
បើតាមជនរងគ្រោះ បានអោយដឹងថា នៅវេលាម៉ោង ១ យប់រំលងអាធ្រាត្រឈានចូលថ្ងៃទី ៦ ខែឧសភាឆ្នាំ២០១៩ ជនរងគ្រោះបានជិះម៉ូតូទៅ លេងផ្ទះមិត្តភក្តិនៅផ្ទះលេខ១២ ផ្លូវ ៦០៨ស្ទួន ភូមិ១៧សង្កាត់បឹងកក់២ ខណ្ឌទួលគោក រាជធានីភ្នំពេញ។
ជនរងគ្រោះបន្តថាពេលទៅដល់ជនរងគ្រោះបានឡើងទៅគេងផ្ទះមិត្តភក្កិនៅជាន់ទី១ លុះព្រឹកឡើងពេលភ្ញាក់ដឹងខ្លួន នៅព្រឹកថ្ងៃទី៦ ខែឧសភា ឆ្នាំ២០១៩នៅវេលាម៉ោង៧និង៣០ នាទី ក៏ចុះមកមិនឃើញម៉ូតូ ក៏បានទៅដាក់ពាក្យបណ្តឹងនៅប៉ុស្តិ៍នគរ បាលរដ្ឋបាលបឹងកក់២តែម្តង។
បច្ចុប្បន្នសមត្ថកិច្ចកំពុងធ្វើការស្រាវជ្រាវរកមុខសញ្ញាចោរ ដើម្បីចាប់យកមកផ្ដន្ទាទោសតាមនីតីវិធីច្បាប់ ៕
