សមត្ថកិច្ចខណ្ឌដូនពេញឃាត់ខ្លួនជនសង្ស័យម្នាក់រួមនឹងថ្នាំញៀន១៣កញ្ចប់
ភ្នំពេញ ៖ កម្លាំងនគរបាលប៉ុស្ដិ៍រដ្ឋបាលស្រះចក បានសហការជាមួយកម្លាំងនគរបាលខណ្ឌដូនពេញបានចុះសហការបង្ក្រាបករណីគ្រឿងញៀននៅចំណុចផ្លូវរ៉ារទះភ្លើង រោងចក្រឆ្នាំង ឃាត់ខ្លួនបានជនសង្ស័យម្នាក់ដកហូតបានថ្នាំញៀនចំនួន១៣កញ្ចប់ ។
-ប្រតិបត្តិការណ៍នេះបានធ្វើឡើងកាលពីវេលាម៉ោង០១នឹង០០នាទីរំលងអាធាត្រឈានចូលថ្ងៃទី១០ ខែឧសភា ឆ្នាំ២០១៩ នៅតាមបណ្តោយផ្លូវបេតុង រ៉ារទះភ្លើងដំបន់រោងចក្រឆ្នាំង ស្ថិតនៅភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ ។
សមត្ថកិច្ចបានអោយដឹងថាជនសង្ស័យដែលឃាត់ខ្លួនមានឈ្មោះ ដា ភេទប្រុស អាយុ២១ឆ្នាំមុខរបរមិនពិតប្រាកដ ស្នាក់នៅម្តុំបឹងកក់ ។
សមត្ថកិច្ចបានបន្តថា មុនពេលកើតហេតុកម្លាំងនគរបាលប៉ុស្តិ ស្រះចក និងកម្លាំងនគរបាលខណ្ឌ បានល្បាតក្នុងមូលដ្ឋានរហូតដល់ទីតាំងកើតហេតុបានឃើញបុរសម្នាក់ដោយសង្ស័យក៏បានឃាត់សួរនាំនិងឆែកឆេរកឃើញថ្នាំញៀន១៣កញ្ចប់ ក៏ឃាត់យកទៅធ្វើការសាកសួរនៅប៉ុស្តិនគរបាល។ សមត្ថកិច្ច បន្ថែមថា បើតាមជនសង្ស័យបានឆ្លើយសារភាពប្រាប់សមត្ថកិច្ចថា ថ្នាំញៀនខាងលើពិតជារបស់គេមែន ហើយលក់ចេញតំលៃ១មុឺនរៀលទៅ២មុឺនរៀលក្នុងមួយកញ្ចប់ ។
បច្ចុប្បន្ន ជនសង្ស័យរួចនឹងវត្ថុតាងត្រូវបានសមត្ថកិច្ចកសាងសំណុំរឿងបញ្ចូនទៅកាន់តុលាការដើម្បីចាត់ការទៅតាមនីតិវិធីបន្ត ៕
