រថយន្តដឹកដីបុករះរថយន្ត៣គ្រឿងជ្រុលចូលផ្ទះប្រជាពលរដ្ឋរបួសធ្ងន់ស្រាល៣នាក់
ភ្នំពេញ៖ រថយន្តហុីយ៉ាន់ដាយដឹកដីពេញបុករះរថយន្តកូរេជ្រុកទៅបុកផ្ទះប្រជាពលរដ្ឋប្រុសស្រីរបួសធ្ងន់ស្រាល៣នាក់បន្តបុករះរថយន្តពីគ្រឿងទៀតរួចហើយជ្រុលទៅមុខបុកស្លាកប៉ាណូយីហោខារ៉ាអូខេ(អ័រគីដេ KTV)បាក់រាបដល់ដី ភ្លាមៗអ្នកបើកបររថយន្តបង្កត្រូវបានប្រជាពលរដ្ឋចាប់ប្រគល់ឲ្យសមត្ថកិច្ច ។
គ្រោះថ្នាក់ចរាចរណ៍គួរឲ្យរន្ធត់នេះបានកេីតឡេីងនៅពីវេលាម៉ោង៩និង៤០នាទីព្រឹកថ្ងៃទី១៦ខែឧសភាឆ្នាំ២០១៩ នៅតាបណ្តោយ មហាវិថីឈ្នះឈ្នះ ភូមិឡកំបោ សង្កាត់ស្វាយប៉ាក ខណ្ឌឬស្សីកែវ ។
អ្នកបើកបររថយន្តបង្កមានឈ្មោះ វ៉ា ហៀ ភេទប្រុសអាយុ៣២ឆ្នាំ ស្នាក់នៅភូមិឃ្មួញ សង្កាត់ឃ្មួញ ខណ្ឌសែនសុខ ត្រូវសមត្ថកិច្ចឃាត់ខ្លួន ។
ចំណែកជនរងគ្រោះរួមមានទី១ឈ្មោះ សរ សាលី ភេទប្រុសអាយុ៧០ឆ្នាភ្ញៀវមកទិញម្ហូបស្នាក់នៅក្បែកន្លែងកេីតហេតុរងរបួសធ្ងន់។ ទី២ឈ្មោះ ឯក ស្រីពេជ្រ ភេទស្រីអាយុ៣៩ឆ្នាំជាអ្នកបាននិងនំបញ្ចុក។
ទី៣ឈ្មោះ សាន ធុទ្ធារី ភេទស្រីអាយុ១៥ឆ្នាំអ្នកជួយលក់បាយនិងនំបញ្ចុកអ្នកទាំង២នាក់ស្នាក់នៅកន្លែងកើតហេតុ។
តាមប្រភពព័ត៌មានពីកន្លែងកេីតហេតុឲ្យដឹងថា នៅមុនពេលកេីតហេតុគេឃើញរថយន្តបង្កម៉ាក ហុីយ៉ាន់ដាយពណ៌សពាក់ស្លាកលេខភ្នំពេញ3C-7347បេីកបរដោយបុរសម្នាក់ធ្វើដំណើរតាមបណ្តោយ មហាវិថីឈ្នះឈ្នះ ដឹកដីពេញបេីកក្នុងល្បឿនយ៉ាងលឿន ទិសដៅពីលិចទៅកេីតខណៈមកដល់ចំណុចកើតហេតុបានជ្រុលទៅបុករថយន្តហុីយ៉ាន់ដាយពណ៌ខៀវមួយគ្រឿងរួចបានជ្រុលទៅបុករថយន្តកូរេពណ៌ខៀវដែលចតស្ងៀមនៅចិញ្ចេីមផ្លូវខាងស្តាំបណ្តាលឲ្យខ្ទាតទៅមុខចូលផ្ទះលក់បាយនឹងនំបញ្ចក់នៅក្បែររងការខូចខាតយ៉ាងដំណំនឹងបណ្តាលឲ្យបុរសវ័យចំណាស់ម្នាក់ដែលកំពុងឈរទិញបាយរងរបួសធ្ងន់ និងម្ចាស់ផ្ទះកំពុងលក់របួសស្រាល២នាក់។
ប្រភពបន្តថារថយន្តបង្កមិនទាន់អស់ល្បឿនក៏ជ្រុលទៅមុខបុករថយន្តក្រុមហ៊ុនស្រាបៀរកម្ពុជាដែលកំពុងឆ្លងផ្លូវបណ្តាលឲ្យខូចខាតនៅមិនទាន់អស់ល្បឿនទៀតក៏ជ្រុលទៅមុខឆ្លងផ្លូវមកខាងឆ្វេងដៃទៅបុកផ្ទាំងស្លាកប៉ាណូខារ៉ាអូខេយីហោ(អរគីដេKTV)បណ្តាលឲ្យបាក់បង្គោលដែករាបដល់ដល់ដី។
បន្ទាប់ពីកេីតហេតុបុរសដែលរងបួសធ្ងន់ត្រូវបានបញ្ជូនទៅមន្ទីពេទ្យព្រះកុសុមៈហៅមន្ទីពេទ្យលោកសង្ឃ។
ក្រោយពេលកើតហេតុរថយន្តទាំង៤គ្រឿងនឹងអ្នកបើកបររថយន្តបង្កត្រូវបានសមត្ថកិច្ចមូលរដ្ឋានប្រគល់ឲ្យទៅសមត្ថកិច្ចជំនាញយកទៅរក្សាទុកនិងសាកសួរនៅការិយាល័យចរាចរណ៍ជើងគោកនៃស្នងការាជធានីភ្នំពេញដើម្បីដោះស្រាយទៅតាមផ្លូវច្បាប់៕
