គួរឲ្យរន្ធត់ណាស់! ក្មេងប្រុស៣នាក់ចុះលេងទឹកស្រះលង់ស្លាប់ទាំង៣
ព្រៃវែង៖ អាសូណាស់ព្រះអើយក្មេងប្រុស៣នាក់នាំគ្នាហែលទឹកស្រះលេងក៏លង់ស្លាប់ទាំង៣នាក់៖ ហេតុការណ៍គួរឲ្យរន្ធត់នេះបាន កើតឡើងកាលពីវេលាម៉ោង០១និង៣០នាទីរសៀលថ្ងៃទី១៦ខែឧសភាឆ្នាំ២០១៩ នៅចំនុចមាត់ ស្ទឹងខាងលិចភូមិត្រពាំងទឹម ឃុំព្រាល ស្រុកកញ្រ្ជៀច ខេត្តព្រៃវែងវេ ។
សពក្មេងប្រុសរងគ្រោះទាំង៣នាក់ទី១មាន៖ឈ្មោះ ភាស្ស ដេត ភេទ ប្រុស អាយុ១១ ឆ្នាំទី២ ឈ្មោះ ម៉ៅ វីន ភេទប្រុស អាយុ១២ឆ្នាំ
និងទី៣ ឈ្មោះ ឆៃ លាងកញ្ញា ភេទ ប្រុស អាយុ១២ឆ្នាំ អ្នកទាំង៣ស្នាក់នៅ ភូមិត្រពាំងទឹម ឃុំព្រាល ស្រុកញ្រ្ជៀច ខេត្តព្រៃវែងជាមួយគ្នា ។
ក្មេងប្រុសទាំង៣នាក់ខាងលើត្រូវឱពុកម្តាយទៅរកសុីចំណាកស្រុក ហើយរស់នៅជាមួយជីដូនឈ្មោះ ទូច គីន ភេទស្រី អាយុ៥៨ឆ្នាំរស់ នៅភូមិឃុំខាងលើ។
បើតាមប្រភពព័ត៌មានបានឲ្យដឹងថា នៅមុនពេលកើតហេតុក្រុមក្មេងប្រុសទាំង៣នាក់នាំគ្នាទៅលេងទឹកស្រះពេលបាយហើយក៏ត្រូវបានលង់ទឹកស្លាប់តែម្ដង។ បន្ទាប់ពីកើតហេតុសមត្ថកិច្ច ជំនាញបានចុះមកពិនិត្យនិងធ្វើកោសល្យវិច្ឆ័យ រួចបញ្ជាក់ថា ជនរងគ្រោះពិតជាលង់ទឹកស្លាប់ប្រាកដមែន ។
ក្រោយពេលពិនិត្យនិងកោសល្យវិច្ឆ័យរួចសមត្ថកិច្ច បានធ្វើកំណត់ហេតុប្រគល់សពជនរងគ្រោះឲ្យក្រុមគ្រួសារយក ទៅធ្វើបុណ្យតាមប្រពីណី៕
