នាំប្រពន្ធកូនទៅចំការមិនឃើញមកផ្ទះ៣ថ្ងៃពេលឃើញស្លាប់ទាំង៣នាក់គួរឲ្យរន្ធត់
កំពង់ធំ៖ អាសូណាស់ព្រះអើយ! ឃើញហើយអ្នកណាមិនស្លុតក្នុងចិត្ត នាំប្រពន្ធនិងកូនទៅដាំដំឡូងនៅចំការបាត់៣ថ្ងៃ ស្របពេលមានគ្រោះធម្មជាតិ រន្ទះបាញ់ស្លាប់ទាំងប្ដីប្រពន្ធនិងកូនតូចចំនួន៣នាក់ពេលប្រទះឃើញធំក្លិនស្អុយនៅក្រោមដើមស្វាយក្នុងដីចំការ
-ហេតុការដ៏រន្ធត់នេះបានបង្កការភ្ញាក់ផ្អើលកាលពីថ្ងៃទី២៥ខែឧសភាឆ្នាំ២០១៩ នៅតំបន់ភូមិសាស្ត្រ ក្រានដែកដែលជាតំបន់ចម្ការចម្ងាយពីភូមិប៉ុន្មានជាង២ គីឡូម៉ែត្រ ក្នុងឃុំឈើទាល ស្រុកសណ្ដាន់ ខេត្តកំពង់ធំ។
សមត្ថកិច្ចបានអោយដឹងថា ជនរងគ្រោះទាំង៣នាក់ប្ដីប្រពន្ធនិងកូនរួមមាន៖ ប្ដីមានឈ្មោះ ខូយ ឡែន អាយុ២៨ឆ្នាំប្រពន្ធឈ្មោះ ជាហ៊ន អាយុ ២៧ឆ្នាំនិងកូនប្រុសអាយុ៣ឆ្នាំ ឈ្មោះ ឡេង ឆេងលិ អ្នកទាំង៣រស់នៅក្នុងភូមិជាំផ្កា ឃុំឈើទាល ស្រុកសណ្ដាន់ ខេត្តកំពង់ធំ។
បើតាមសម្ដីស្ត្រីឈ្មោះ ប៊ិន ម៉ៃ ត្រូវជាបងថ្លៃសពបុរសរងគ្រោះឈ្មោះ ខូយ ឡែន បានរៀបរាប់ប្រាប់ឲ្យដឹងថា កាលពីថ្ងៃទី២៣ ខែឧសាភាឆ្នាំ ២០១៩ វេលាម៉ោង៧ ប្អូនថ្លៃរបស់គាត់ឈ្មោះ ខូយ ឡែន និងប្រពន្ធ ព្រមទាំងកូនបាននាំគ្នាទៅដាំដំឡូងបង្ហើយនៅចំការតំបន់ក្រានដែក ។ លុះល្ងាចឡើងមិនឃើញពួកគេត្រឡប់ទៅផ្ទះវិញនោះទេ គាត់ស្មានថាពួកគាត់នៅដេកនិងចម្ការរហូតដល់ថ្ងៃទី ២៥ ខែឧសភាឆ្នាំ២០១៩ នៅតែមិនឃើញពួកគេមកផ្ទះ ពេលស្ត្រីជាបងថ្លៃ ក៏មកតាមមើលនៅចម្ការ ពេលទៅដល់ចំការក៏បានប្រទះឃើញជនរងគ្រោះទាំងបីនាក់ដេកស្លាប់នៅក្រោមដើមស្វាយក្នុងចំការ ។ ស្ត្រីជាបងថ្លៃបានបន្តទៀតថា ខណៈឃើញដូច្នេះរូបគាត់បានភ័យស្លន់ស្លោយ៉ាងខ្លាំង ក៏ត្រឡប់មកផ្ទះវិញប្រាប់បងប្អូនពីដំណឹងនេះនឹងរាយការណ៍ទៅអាជ្ញាធរភូមិនិងសមត្ថកិច្ចមូលដ្ឋានឲ្យបានដឹង ហើយចុះទៅពិនិត្យនៅកន្លែងកើតហេតុសាកសពទាំងបីនាក់មានលក្ខណៈហើមមានក្លិនស្អុយ ។
ក្រោយពីសមត្ថកិច្ចជំនាញពិនិត្យនិងធ្វើកោសល្យរួចបានសន្និដ្ឋានថា ជនរងគ្រោះទាំង៣នាក់ស្លាប់ដោយសារគ្រោះធម្មជាតិរន្ទះបាញ់បន្ទាប់មកសមត្ថកិច្ចបានធ្វើកំណត់ហេតុប្រគល់សាកសពទៅឲ្យក្រុមគ្រួសារយកធ្វើបុណ្យតាមប្រពៃណី ៕ 
