អាជ្ញាធរមានសមត្ថកិច្ចខណ្ឌច្បារអំពៅឆ្មក់បង្ក្រាបទីតាំងជល់មាន់តាមអនឡាញឃាត់មនុស្សជាច្រើននាក់
ភ្នំពេញ៖ កម្លាំងចំរុះ គណៈបញ្ជាការឯកភាពខណ្ឌច្បារអំពៅ នៅរសៀលថ្ងៃទី២៥ ខែឧសភាឆ្នាំ២០១៩ បានឆ្មក់ចុះបង្ក្រាបទីតាំងជល់មាន់តាមអនឡាញ មួយកន្លែង នៅហាងកាហ្វេអង្រឹង ដុង សេងលីដែលមានទីតាំងនៅផ្ទះលេខ៧៨ ផ្លូវ៣៥៧ ភូមិកណ្តាល១ សង្កាត់ច្បារអំពៅទី២ ខណ្ឌច្បារអំពៅ ។
ក្រោមការបញ្ជាផ្ទាល់ដោយលោក ចេង មុនីរ៉ា អភិបាលនៃគណះអភិបាលខណ្ឌច្បារអំពៅ និងដឹកនាំកម្លាំង ដោយលោកណុប ផា អភិបាលរងខណ្ឌដោយមានការសម្របម្រួល ពីលោកតុប ឈុនទ្បុងព្រះរាជអាជ្ញារងសាលាដំបូងរាជធានីភ្នំពេញ ។
ក្នុងកិច្ចប្រតិបត្តការបង្ក្រាបនោះកម្លាំងអាជ្ញាធរមានសមត្ថកិច្ច បានឃាត់ខ្លួនក្រុមញៀនល្បែងបានជាច្រើននាក់ ដកហូតទូរទស្សន៍ និងម៉ូតូជាច្រើនគ្រឿងយកទៅធ្វើកំណត់ហេតុនៅសាលាខណ្ឌច្បារអំពៅ តាមនិតិវិធី ៕
