រន្ធត់ណាស់! បើករថយន្តស៊េរីទំនើបុកម៉ូតូប៉ើងដូចសំឡី របួសធ្ងន់២នាក់
ភ្នំពេញ៖ រថយន្តលុចស៊ីសសេីទំនើបមួយគ្រឿងបើកលឿងដូចហោះមិនប្រុងប្រយត្ន័ ខណៈមកដល់ចំណុចផ្លូវបំបែកជាបួនជ្រុលទៅបុកម៉ូតូមួយគ្រឿងពេញទំហឹងប៉ើងជាងដប់ម៉ែត្រហើយម៉ូតូជាប់និងរថយន្តអូសរហូតមកដល់ចំណុចស្ពានអាកាស៧កមរាបានបើក រយ៉ែថយក្រោយឲ្យម៉ូតូរបូតរួចបើកបន្តទៅមុខចតមុខផ្ទះធ្វើមិនដឹង។
គ្រោះថ្នាក់ចរាចរណ៍នេះបានបង្កការភ្ញាក់ផ្អើលកាលពីវេលាម៉ោង១និង១០នាទីរំលងអាធ្រាត ឈានចូលលថ្ងៃទី២៨ ខែឧសភា ឆ្នាំ២០១៩ នៅតាមបណ្ដោយផ្លូវ២២២កែងនិងផ្លូវ៥៥ចំណុចX2 KTVក្នុងសង្កាត់បឹងរាំងខណ្ឌដូនពេញ។
យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តលុចស៊ីសសេរីទំនើបNX200tពណ័សពាក់ស្លាកលេខភ្នំពេញ 2BB-6444ធ្វើដំណើរតាមបណ្ដោយផ្លូវ៥៥ ទិសដៅពីជើងទៅត្បូងក្នុងល្បឿនលឿនដូចហោះ លុះ មកដល់ចំណុចកើតហេតុខាងលើបានជ្រុលទៅបុកម៉ូតូឌ្រីម០១៩ពណ័ខ្មៅ ពាក់ស្លាកលេខភ្នំពេញ 1HQ-9228 ជិះដោយបុរសនារី២នាក់តាមបណ្ដោយផ្លូវ២២២ក្នុងទិសដៅពីលិចទៅកើតចំពេញទំហឹងប៉ើងដូចក្រដាសបណ្ដាលរងរបួសធ្ងន់ទាំងពីរនាក់ត្រូវរថយន្តសាម៉ុយដឹកយកទៅសង្គ្រោះភ្លាមៗ។
ហើយរថយន្តបង្កមិនបានឈប់ទទួលខុសត្រូវនោះទេព្យាយាមបើករត់ទាំងជាប់ម៉ូតូនៅខាងមុខរថយន្តត្រូវបានប្រជាពរដ្ឋជិះម៉ូតូដេញតាមក្រោយស្រាប់មកដល់ចំណុចក្រោមស្ពាន៧មករាបានឈប់រូចរយ៉ែថយក្រោយឲ្យម៉ូតូរបូតចេញរួចបើករត់បន្តទៀតរហូតចូលក្នុងបុរីមួយកន្លែងជិតស្តុុបផ្សារដីហុយផ្ទះលេខ2Cផ្លូវបេតុងឈប់រថយន្តនៅមុខផ្ទះចូលសង្ងំធ្វើមិនដឹង។
ក្រោយកើតហេតុប្រជាពរដ្ឋបានរាយការណ៍ទៅសមត្ថកិច្ចដូនពេញ និងបានទាក់ទងជំនាញមកយករថយន្តបង្ករទៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នពេញរងចាំដោះស្រាយតាមផ្លូវច្បាប់ ៕
