បើកម៉ូតូលឿនមិនប្រយត្ន័ជ្រុលទៅបុកបង្កាន់ដៃស្ពានអាកាសស្ទឹងមានជ័យដួលរបួសធ្ងន់ស្រាលពីរនាក់
ភ្នំពេញ៖ បុរសពីរនាក់ជិះម៉ូតូមួុយគ្រឿងឌុបគ្នាបើកក្នុងល្បឿនលឿនខណះដល់ផ្លូវកោងកាត់ចង្កូតមិនទានជ្រុលទៅបុកបង្កាន់ដៃស្ពានអាកាសស្ទឹងមានជ័យ បណ្តាលឲ្យបុរសម្នាក់រងរបួសធ្ងន់បែកក្បាលនិងម្នាក់ទៀតរបួសស្រាល។
ហេតុការណ៍នេះបានកើតឡើងកាលពីវេលាម៉ោង៣ទៀបភ្លឺចូលថ្ងៃទី៣០ខែឧសភាឆ្នាំ២០១៩ នៅចំណុចលើស្ពានអាកាសស្ទឹងមានជ័យ តាមបណ្តោយផ្លូវ២៧១ ក្នុងសង្កាត់ទំនប់ទឹក ខណ្ឌចំការមន។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសពីរនាក់ជិះម៉ូតូមួយគ្រឿងម៉ាកហុងដាស្កុបពី ពាក់ស្លាកលេខ ភ្នំពេញBA-7944 ធ្វើដំណើរតាមបណ្តោយផ្លូវ២៧១ទិសដៅពីត្បូងទៅជើងខណះមកដល់ចំណុចកើតហេតុខាងលើ ជួននិងផ្លូវកោងផងនោះក៏បានរេចង្កូតទៅបុកបង្កាន់ដៃស្ពានអាកាសស្ទឹងមានជ័យបណ្តាល ឲ្យដួលបោកក្បាលនិងថ្នល់រងបួសធ្ងន់ម្នាក់ និងស្រាលម្នាក់ ។
ក្រោយកើតហេតុ រថយន្តសង្គ្រោះបន្ទាន់របស់ក្លីនីកមហានគរបានដឹងជនរងគ្រោះទៅសង្គ្រោះភ្លាមៗ ចំណែកម៉ូតូត្រូវបានជនរងគ្រោះរងរបួសស្រាលជិះតាមក្រោយរថយន្តសង្គ្រោះបន្ទាន់ទៅកាន់មន្ទីពេទ្យ៕
