ក្រុមការងារចម្រុះខេត្តចុះអនុវត្តការរុះរេី និងកាត់ផ្ទាំងផ្សព្វផ្សាយពាណិជ្ជកម្មដែលគ្មានច្បាប់ និងលេីសទំហំកំណត់គ្រប់ប្រភេទ ដែលបានដាក់លេីដីចំណីផ្លូវ នៅក្នុងក្រុងសៀមរាប
ខេត្តសៀមរាប៖ ថ្ងៃចន្ទ ១កេីត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៣ ខែមិថុនា ឆ្នាំ២០១៩ ក្រុមការងារចម្រុះខេត្តចុះអនុវត្តការរុះរេី និងកាត់ផ្ទាំងផ្សព្វផ្សាយពាណិជ្ជកម្មគ្រប់ប្រភេទដែលគ្មានច្បាប់ និងលេីសទំហំកំណត់ ដែលបានដាក់លេីដីចំណីផ្លូវ នៅក្នុងក្រុងសៀមរាប ដឹកនាំដោយ លោក នាក់ ណេរ៉ុន អភិបាលរង នៃគណៈអភិបាលខេត្ត លោកនាយករងរដ្ឋបាលខេត្ត លោកនាយកទីចាត់ការអន្តរវិស័យ និងមានកិច្ចសហការពីកងកម្លាំងមានសមត្ថកិច្ចពាក់ព័ន្ធនានាជាច្រើនទៀត។
គោលបំណង នៃការចុះរុះរេី និងកាត់ផ្ទាំងផ្សព្វផ្សាយពាណិជ្ជកម្មគ្មានច្បាប់ និងលេីសទំហំកំណត់ ដែលបានដាក់លេីដីចំណីផ្លូវនេះគឺ ដើម្បីរៀបចំសោភ័ណ្ឌភាព សណ្ដាប់ធ្នាប់ របៀបរៀបរយសាធារណៈ អនុវត្តនីតិវិធីដេីម្បីឲ្យពួកគាត់ដាក់ពាក្យស្នេីសុំច្បាប់អនុញ្ញាតត្រឹមត្រូវ និងលុបបំបាត់ផ្ទាំងផ្សព្វផ្សាយពាណិជ្ជកម្មដែលគ្មានច្បាប់អនុញ្ញត ក្នុងក្រុងសៀមរាបទាំងមូល ឲ្យសក្តិសមជាក្រុងទេសចរណ៍ប្រវត្តិសាស្ត្រដ៏រុងរឿង មានភាពទាក់ទាញខ្លាំងទាំងភ្ញៀវជាតិ អន្តរជាតិ និងដេីម្បីរក្សាបាននូវអត្តសញ្ញាណវប្បធម៌ទំនៀមទម្លាប់ប្រពៃណីល្អ និងលេីកតម្កេីងកិត្យានុភាពវប្បធម៌ជាតិ។
ក្រុមការងារបានចាប់ផ្ដេីមពីចំណុចគល់ស្ពានព្រះរាជដំណាក់ ឆ្ពោះទៅទិសខាងកេីត តាមបណ្ដោយផ្លូវជាតិលេខ ៦ និងបន្តរហូតដល់ព្រំប្រទល់ក្រុងសៀមរាប និងស្រុកប្រាសាទបាគង៕
