រថយន្តធំ២គ្រឿងបុកគ្នានៅផ្លូវជាតិលេខ៣របួសធ្ងន់២នាក់
ខេត្តកំពត៖ ហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើងរវាងរថយន្តធុនធំ២គ្រឿងបើកបុកគ្នាលាន់សូរដូច រន្ទះបណ្ដាលឲ្យមនុស្ស២នាក់រងរបួសធ្ងន់
ហេតុការនេះបានបង្កឲ្យមានការភ្ញាក់ផ្អើលកាលពីវេលាម៉ោង ៨និង៥០នាទីព្រឹកថ្ងៃទី០៣ខែមិថុនាឆ្នាំ២០១៨នៅតាមបណ្ដោយផ្លូវជាតិលេខ៣ ត្រង់ចំណុចខាងលិច ផ្លូវចូលកំពុងផែថ្មីវិញហួរ ប្រហែល១០០ម៉ែត្រ ស្ថិតក្នុង ភូមិគីឡូ១២ ឃុំកោះតូច ស្រុកទឹកឈូ ខេត្តកំពត។
សមត្ថកិច្ចអោយដឹងថា មុនពេលកើតហេតុរថយន្តដឹកទំនិញធន់ធំ ម៉ាក ហ៊ីយិនដាយ ពណ៌ស ពាក់ស្លាក លេខ សៀមរាប 3A-1505 បើកបរតាមបណ្ដោយផ្លូវជាតិលេខ៣ខណៈ មេឃកំពុងធ្លាក់ភ្លៀង ទិសដៅពីលិចទៅកើត លុះជិតដល់ចំណុចកើតហេតុ បានបើកបំរុងវ៉ាម៉ូតូ តែវ៉ាមិនផុតក៏រអិលជ្រុលទៅបុកផ្ទប់ជាមួយរថយន្តធន់ធំ មួយគ្រឿងទៀត ម៉ាកហ្វុយសូ ពណ៌សដែលបើកបរទិសដៅបញ្ច្រាស់គ្នាលឺសូដូច រន្ទះ ដាច់ខ្ទាតស្លាកលេខធ្លាក់បាត់ បណ្តាលឲ្យ តៃកុងនិងព្រូរថយន្ត ២នាក់ បានរងរបួសធ្ងន់ត្រូវបានគេបញ្ជួនទៅ ព្យាបាលនៅមន្ទីរពេទ្យភ្លាមៗផងដែរតែជនរងគ្រោះទាំង ២នាក់ (មិនទាន់ស្គាល់ឈ្មោះ) រីឯអ្នកបើកបររថយន្តហ៊ីយិនដាយ របួសស្រាលបន្ទាប់ពីកើតហេតុ បានចុះរត់គេចខ្លួនបាត់ ស្រមោល ។
ក្រោយកើតហេតុសមត្ថកិច្ចបានចុះទៅធ្វើការវាស់វែងយក រថយន្តទាំង២ទៅរក្សាទុកនៅអធិការនគរបាលស្រុកទឹកឈូ រងចាំម្ចាស់ចូលខ្លួនមកដោះស្រាយនៅពេលក្រោយ ៕
