រថយន្តដឹកកម្មករនិងរថយន្តសណ្តោងរឺម៉កព្រលះគ្នាទាំងព្រឹកបណ្តាលអោយមានមនុស្សរងរបួសធ្ងន់ស្រាល១៦នាក់
ខេត្តកំពង់ស្ពឺ៖ មុននេះបន្ដិច វេលាម៉ោងប្រមាណជា ០៦:៣០នាទីព្រឹក ថ្ងៃទី១១ ខែមិថុនា ឆ្នាំ២០១៩ មានករណីគ្រោះថ្នាក់ចរាចរណ៍មួយបង្កឡើងរវាង រថយន្តសណ្តោងរឺម៉កនិងរថយន្តតូរីសដឹកកម្មករ នៅចំណុចសេះស ផ្លូវជាតិលេខ៤១ ស្រុកបសេដ្ឋ ខេត្តកំពង់ស្ពឺ។
សមត្ថកិច្ចនៅមិនទាន់អាចបញ្ជាក់អោយដឹងពីមូលហេតុករណីខាងលើអោយបានជាក់លាក់នៅឡើយទេ តែព័ត៌មានទទួលបានបឋមពីកន្លែងកើតហេតុថាមិនមានជនរងគ្រោះបណ្ដាលអោយបាត់បង់អាយុជីវិតទេ ប៉ុន្តែមានអ្នករងរបួសធ្ងន់ ស្រាល ចំនួន១៦នាក់ ។
ក្រោយពេលកើតហេតុសមត្ថកិច្ចក៏បានចុះវាស់វែង និងបញ្ជូនជនរងគ្រោះទៅសង្គ្រោះផងដែរ។
ព័ត៌មានបឋម
