សាហាវមែន!! បុរសម្នាក់សង្ស័យមន្ត្រីស័ក៤កន្លះ បើករថយន្តបញ្ច្រាស់ទិសចរាចរណ៍បុករះមូតូ៤គ្រឿងម៉ូតូកង់បីឥណ្ឌាមួយរបួសធ្ងន់៤នាក់
ភ្នំពេញ៖ បុរសម្នាក់សង្ស័យជាមន្ត្រីអាវុធហត្ថសក្ត័៤កន្លះលើផ្ទៃប្រទេសស្រវឹងស្រា បើករថយន្តស៊េរីទំនើបម៉ាកឡិចសុីស470មួយគ្រឿងបញ្ច្រាស់ទិសចរាចរណ៍ ហើយបុករះម៉ូតូ៤គ្រឿងនិងម៉ូតូកង់បីឥណ្ឌាមួុយគ្រឿងថែមទៀត ខណះឈប់រងចាំភ្លើងស្តុបបណ្តាលរងរបួសធ្ងន់បុរស៤នាក់។ត្រូវបានសមត្ថកិច្ចធ្វើកាឃាត់ខ្លួនអ្នកបើកបរបញ្ជូនមកអធិការដ្ឋាននគរបាលខណ្ឌ៧មករាភ្លាមៗ។
-ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង០៧និង៤០នាទីយប់ថ្ងៃទី១៣ខែមិថុនាឆ្នាំ២០១៩ នៅចំណុចស្តុបក្តាន់ពីរ តាមបណ្តោយផ្លូវសហពន្ធ័រុស្សី សង្កាត់មិត្តភាព ខណ្ឌ៧មករា រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេរថយន្តមួយគ្រឿងម៉ាកឡិចសុីសLX-470ពណ៌ខ្មៅពាក់ ស្លាកលេខភ្នំពេញ 2K-1668 បើកបរដោយបុរសម្នាក់សង្ស័យស្រវឹងស្រាធ្វើដំណើរទិសដៅពីកើតទៅលិចខណៈមកដល់ចំណុចកើត ហេតុខាងលើបានរេចង្កូតមកខាងស្តាំដៃចូលមកផ្លូវម្ខាងទៀតបញ្ច្រាស់ទិសដៅចរាចរណ៍បានជ្រុលបុករះម៉ូតូ៤គ្រឿងនិងម៉ូតូកង់បីឥណ្ឌាមួយគ្រឿងទៀត ខណៈឈប់រងចាំភ្លើងស្តុប បញ្ច្រាស់ទិសដៅគ្នាបណ្តាលឲ្យ បុរស៤នាក់រងរបួសធ្ងន់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះភ្លាមៗ ចំណែកម្ចាស់រថយន្តបង្កត្រូវសមត្ថកិច្ចឃាត់ខ្លួនបញ្ជូនទៅអធិការដ្ឋាននគរបាលខណ្ឌ៧មករាភ្លាមៗ។ បន្ទាប់មកគេឃើញនៅក្នុងរថយន្តបង្កមានឯកសណ្ឋានជាមន្ត្រីកងរាជអាវុធហត្ថលើផ្ទៃប្រទេសមានឈ្មោះ គង់ វាសនា មានឋាននៈសក្ត័វីរសេនីយ៍ទោល សក្ត័៤កន្លះ។
ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូនិងម៉ូតូកង់បីទៅរក្សាទុកនៅការិយាល័យចរាចណ៍ផ្លូវគោកស្នងការាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕
