ព្រៃផ្សៃណាស់!!កាប់ប្រពន្ធជាច្រើនកាំបិតស្លាប់គួរឲ្យរន្ធត់ព្រោះតែភ្លើងប្រចណ្ឌរួចរត់គេចខ្លួនបាត់
ត្បូងឃ្មុំ៖ បុរសម្នាក់ព្រោះតែភ្លើងប្រចណ្ឌដាច់ចិត្តគិតខ្លី លើកដៃកាប់ស្លាប់ប្រពន្ធយ៉ាងឃោគឃៅនិងព្រៃផ្សៃបំផុត ៖ ហេតុការណ៍ភ្ញាក់ផ្អើលដ៏រន្ធត់នេះបានកើតឡើងនៅវេលាម៉ោង០២និង៣០នាទីរសៀលថ្ងៃទី១៤ខែមិថុនាឆ្នាំ២០១៩ នៅចំណុចមុខមន្ទីបក្សប្រជាជនកម្ពុជា ភូមិទួលវិហារ ឃុំជីរោទ៍ទី២ ស្រុកត្បូងឃ្មុំ ខេត្តត្បូងឃ្មុំ ។
-ជនសង្ស័យជាប្តីកំពុងរត់គេចខ្លួនមានឈ្មោះ ព្រាប ម៉ាយ ភេទប្រុស អាយុ២៣ឆ្នាំ
-ជនរងគ្រោះជាប្រពន្ធមានឈ្មោះ ជុំ ធារី ភេទស្រី អាយុ១៧ឆ្នាំត្រូវជនសង្ស័យជាប្ដីកាប់ជាច្រើនកាំបិតស្លាប់ក្នុងថ្លុកឈាម យ៉ាងអាណោចអធម៌ ។
យោងតាមការអះអាងពីឪពុកជនរងគ្រោះបានឲ្យអោយដឹងថា ប្ដីប្រពន្ធ២នាក់ក្នុងមួយរយៈចុងក្រោយនេះតែងតែមានជម្លោះពាក្យសំដីជាមួយគ្នាជាញឹកញាប់ហើយប្រពន្ធក៏បានចុះចេញពីផ្ទះ ឪពុកម្ដាយខាងប្ដីដែលនៅជិតគ្នាមករស់នៅជាមួយម្ដាយឪពុកម្ដាយខ្លួន
លុះមកដល់រសៀលថ្ងៃកើតហេតុ ប្ដីបានទៅរករឿងប្រពន្ធនឹងបង្កជម្លោះរហូតឈានដល់ការដេញកាប់សម្លាប់ប្រពន្ធយ៉ាងសារហាវព្រៃផ្សៃបំផុត ដោយសារតែជនសង្ស័យជាប្ដីកើតភ្លើងប្រចណ្ឌ ហើយបន្ទាប់ពីធ្វើសកម្មភាពរួចបានរត់គេចខ្លួនបាត់ស្រមោល ។
ក្រោយពេលកើតហេតុសមត្ថកិច្ចមូលដ្ឋានព្រមទាំងជំនាញបានចុះមកដល់កន្លែងកើតហេតុធ្វើការពិនិត្យធ្វើកោសល្យវិច្ឆ័យនិងកំណត់ហេតុ រួចប្រគល់សពជនរងគ្រោះឲ្យទៅក្រុមគ្រួសារយកធ្វើបុណ្យតាមប្រពៃណី
- ចំណែកជនដៃដល់ឃាត.កជាប្ដី សមត្ថកិច្ចកំពុងស្រាវជ្រាវ តាមចាប់យកមកផ្ដន្ទាទោសតាមច្បាប់ ៕
