ជនជាតិចិនស្រវឹងជោគខ្លួន បើករថយន្តបុកបុរស២នាក់ស្លាប់យ៉ាងអាណោចអាធម័នៅកន្លែងកើតហេតុ

ភ្នំពេញ៖ ជនជាតិចិនពីរនាក់ស្រវឹងស្រាឡើងទន់ខ្លួនបើករថយន្តស៊េរីទំនើកម៉ាករ៉េនរូវើមួយគ្រឿងវ៉ាជែងទៅបុកម៉ូតូចំពីមុខពេញទំហឹងផ្លោងទៅចិញ្ចើមផ្លូវ បណ្តាលអោយបុរសពីរនាក់បានស្លាប់បាត់បង់ជីវិតភ្លាមនៅនិងកន្លែងកើតហេតុៗយ៉ាងអាណោចអាធម័ កាលពីវេលាម៉ោង១០:៣០នាទីយប់ ថ្ងៃទី១៤ ខែមិថុនា ឆ្នាំ២០១៩ ស្ថិតនៅតាមបណ្តោយផ្លូវ១៩៦២ ភូមិអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។

យោងតាមប្រភពប្រជាពលរដ្ឋនៅកន្លែងកើតហេតុបានអោយដឹងថា មុនកើតហេតុឃើញបុរសជនជាតិម្នាក់រួមនិងបុរសជនជាតចិនម្នាក់ទៀតស្រវឹងស្រាឡើងទន់ខ្លួនបើករថយន្តស៊េរីទំនើបមួយគ្រឿងម៉ាករ៉េនរូវើ ពណ៌ខ្មៅ ពាក់ស្លាកលេខ ភ្នំពេញ 2R-0777 ធ្វើដំណើរទិសដៅពីលិចទៅកើតក្នុងល្បឿនលឿនលុះមកដល់ចំណុចកើតហេតុខាងលើបានវ៉ាជែងមកខាងឆ្វេងដៃជ្រុលបុកម៉ូតូមួយគ្រឿងម៉ាកហុងដាឌ្រីមសង់ស៊េរី២០១៩ ពណ៌ខ្មៅ ពាក់ស្លាកលេខ ភ្នំពេញ 1HI-0788 បើកបរដោយបុរសពីរនាក់ ជិៈបញ្ច្រាស់ទិសដៅគ្នា ពីកើតទៅលិច បុកចំពីមុខពេញទំហឹងបណ្តាលឲ្យជនរងគ្រោះនិងម៉ូតូខ្ទៀតទៅចិញ្ចើមផ្លូវស្លាប់ភ្លាមៗនិងកន្លែងកើតហេតុ។

សមត្ថកិច្ចបានអោយដឹងថាជនជាតិចិនបើករថយន្តបង្កទាំងពីរនាក់ត្រូវបានសមត្ថកិច្ចឃាត់ខ្លួនបញ្ជូនមកប៉ុស្តិ៍នគរបាលរដ្ឋបាលក្រាំងធ្នង់ភ្លាមៗ។

ជនរងគ្រោះទី១.មានឈ្មោះ យឹម សំណាង ភេទប្រុស អាយុ២៤ មុខរបរជាងដែកនៅម្តុំផ្សារត្រពាំងថ្លឹង ស្នាក់នៅកន្លែងធ្វើការ មានស្រុកកំណើត ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ។

ចំណែកទី២.មិនស្គាល់អត្តសញ្ញាណនោះទេសមត្ថកិច្ចកំពុងធ្វើស្រាវជ្រាវ។

ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរ
ណ៍ផ្លូវគោកស្នងការរាជធានីភ្នំពេញរងចាំដោះស្រាយគ្នាទៅតាមផ្លូវច្បាប់។ដោយសពជនរងគ្រោះសមត្ថកិច្ចធ្វើកំណត់ហេតុរួចប្រគលជូនសាច់ញាត្តិយកទៅស្រុកកំណើតធ្វើបុណ្យតាមប្រពៃណី៕