សមត្ថកិច្ចស្រុកសំរោងទងឃាត់ខ្លួនជនសង្ស័យ៦នាក់រួមនិងថ្នាំញៀនមួយចំនួន
កំពង់ស្ពឺ៖ កំលាំងនគរបាលស្រុកសំរោងទង បេីកប្រតិបត្តិការបង្ក្រាបមុខសញ្ញារក្សាទុកចែកចាយនិងប្រេីប្រាស់គ្រឿងញៀនខុសច្បាប់ដោយឃាត់ខ្លួនជនសង្ស័យបានចំនួន៦នាក់ ប្រតិបត្ដិការបង្ក្រាបនេះ ដឹកនាំកំលាំងដោយ លោក វរសេនីយ៍ឯក ឃុត សុផល អធិការនគរបាលស្រុក សំរោងទង ធ្វើឡើងកាលពីវេលាម៉ោង០២និង៣០នាទីរសៀល ថ្ងៃទី២៨ខែមិថុនាឆ្នាំ២០១៩ នៅផ្លូវជាតិលេខ ៤ ចំណុចបឹងស្រែឈូកខាងជេីងភូមិពង្រធំ ឃុំកាហែងស្រុកសំរោងទង ខេត្តកំពង់ស្ពឺ ។
សមត្ថកិច្ចបានឲ្យដឹងថា ជនសង្ស័យទាំង៦នាក់រួមមាន៖ ទី១-ឈ្មោះ គុយ សុខគា ភេទប្រុសអាយុ24ឆ្នាំរស់នៅភូមិពង្រធំ ឃុំកាហែង ជាអ្នកចែកចាយនិងផ្ដល់កន្លែងប្រើប្រាស់ -ទី២៖ឈ្មោះ សូ ចាន់ធឿន ភេទប្រុសអាយុ 18ឆ្នាំ នៅភូមិត្រពាំងជ្រៅ ឃុំកាហែង-ទី៣ឈ្មោះ តន សុម៉ៅ ភេទប្រុស អាយុ30ឆ្នាំភូមិពង្រធំ ឃុំកាហែង-ទី៤ឈ្មោះ តន សារ៉ាត់ ប្រុសអាយុ25ឆ្នាំ ភូមិពង្រធំ ឃុំកាហែង -ទី៥ឈ្មោះ ហួត រតនៈ ប្រុសអាយុ18ឆ្នាំ ភូមិឡ ឃុំកាហែង -ទី៦.ឈ្មោះ ឆាន ចំណាន ប្រុស អាយុ18ឆ្នាំ នៅភូមិកណ្ដោលដុំ សង្កាត់កណ្ដោលដុំ ក្រុងច្បារមន។
សមត្ថកិច្ចបានបន្តថាទីតាំងនេះគឺមានការផ្ដល់អោយប្រេីប្រាស់និងចែកចាយបន្តគ្នាពីមួយទៅមួយ ប៉ុន្ដែក្រុមនេះគឺគេ ចល័តលឿននិងមានការឃ្លាំមេីលធ្វេីលក្ខណៈដូចជាមកចាំចំការឈូក ជាក់ស្តែងកំលាំងនគរបាលបានធ្វេីប្រតិបត្ដិការរហ័សទេីបចាប់បានក្រុមនេះនិងដកហូតវត្ថុតាងរួមមាន ៖ គ្រឿងញៀនចំនួន 4 កញ្ចប់ មធ្យមជញ្ជីងថ្លឹងគ្រឿងញៀន (អេឡិចត្រូនិក1គ្រឿង)ប្រាក់រៀលចំនួន 24 ម៉ឺនរៀល ទូរស័ព្ទដៃ ចំនួន4 គ្រឿងម៉ូតូ ចំនួន 1គ្រឿង(ចាស់)ថង់ប្លាស្ទិច សំរាប់ច្រកគ្រឿងញៀន និងឧបករណ៍កែច្នៃសំរាប់ប្រើប្រាស់គ្រឿងញៀនមួយចំនួន។
បច្ចុប្បន្ន ជនសង្ស័យទាំង៦នាក់រួមនិងវត្ថុតាងត្រូវបានសមត្ថកិច្ចនគរបាល កសាងសំណុំរឿងបញ្ជូនទៅការិយាល័យជំនាញខេត្ដ ចាត់ការតាមនិតិវិធីច្បាប់៕ 
