រន្ធត់ណាស់!!ឆេះផ្ទះស្លាប់ប្រពន្ធ ប្ដីរងរបួសធ្ងន់
កណ្តាល៖ អគ្គីភ័យឆាប់ឆេះផ្ទះប្រជាពលរដ្ឋមួយខ្នង បណ្ដាលឲ្យឆេះស្លាប់ស្ត្រីជាប្រពន្ធនៅក្នុងផ្ទះ ចំណែកបុរសជាប្ដីរងរបួសធ្ងន់ធ្ងរ ត្រូវបានគេបញ្ជួនទៅសង្គ្រោះបន្ទាន់នៅមន្ទីរពេទ្យ៖ ហេតុការណ៍គ្រោះអគ្គីភ័យដ៏រន្ធត់នេះ បានកើតឡើងកាលពីវេលាម៉ោង២និង៤០នាទីរំលងឈានថ្ងៃទី១៤ខែកក្ដដាឆ្នាំ២០១៩ នៅភូមិពោធិក្រោម ឃុំត្រេីយស្លា ស្រុកស្អាងខេត្តកណ្តាល។
សមត្ថកិច្ចបានឲ្យដឹងថា ជនរងគ្រោះទី១៖មានឈ្មោះ ហាន ស្រីមុំ ភេទស្រី អាយុ៣៣ឆ្នាំ (ស្លាប់នៅកន្លែងកើតហេតុ) ជនរងគ្រោះទី២ឈ្មោះ វ៉េង វិរះ ភេទប្រុស អាយុ៣០ឆ្នាំ(រងរបួសធ្ងន់)អ្នកទាំង២ជាប្ដីប្រពន្ធនិងគ្នា រស់នៅភូមិ ឃុំកើតហេតុខាងលើ ។
-សមត្ថកិច្ចបានបន្តថា បន្ទាប់ពីទទួលបានព័ត៌មានករណីអគ្គិភ័យភ្លាមកំលាំងនគរបាលប៉ុស្តិ និងកំលាំងជំនាញស្រុកបានចុះមកដល់ជួយអន្តាគមន៍ពន្លត់ភ្លេីងបានទាន់ពេលវេលាផងដែរតែអកុសល ស្ត្រីជាម្ចាស់ផ្ទះត្រូវបានភ្លើងឆេះបណ្ដាលអោយស្លាប់ ចំណែកប្ដីរបួសធ្ងន់
-សមត្ថកិច្ចបន្តឲ្យដឹងទៀតថា គ្រោះអគ្គីភ័យនេះបានធ្វើអោយខូចខាតផ្ទះ១ខ្នងស្ទើទាំងស្រុងដែលមានទំហំ០៥ម៉ែត្រគុណនិង០៩ម៉ែត្រធ្វេីពីថ្មប្រក់សង្គីនិងទ្រព្យសម្បត្តិមួយចំនួន ។ ចំពោះមូលហេតុមិនទាន់ដឹងច្បាស់នោះទេ សង្ស័យឆ្លងចរន្តអគ្គិសនីទើបបណ្ដាលអោយឆាបឆេះ ។
បច្ចុប្បន្ន ជនរងគ្រោះជាប្ដីកំពុងតែសង្គ្រោះបន្ទាន់នៅមន្ទីរពេទ្យក្រុងភ្នំពេញ ៕
