រន្ធត់ណាស់!!រថយន្តហាយលែនឌ័របុកម៉ូតូកង់បីឥណ្ឌាស្លាប់២នាក់របួសធ្ងន់ស្រាល៣នាក់
ភ្នំពេញ៖ យ៉ាងហោចណាស់មានមនុស្ស២នាក់បានស្លាប់និង៣នាក់ទៀតរបួសធ្ងន់និងស្រាលនៅក្នុងហេតុការណ៍រថយន្តហាយឡែនឌ័រនិងម៉ូតូកង់បីឥណ្ឌាបុកគ្នា
គ្រោះថ្នាក់ចរាចណ៍ដ៏រន្ធត់នេះបានកេីតឡេីងកាលពីវេលាម៉ោង៩និង៤៥នាទីយប់ថ្ងៃទី២១ខែកក្កដាឆ្នាំ២០១៩ នៅតាមបណ្ដោយផ្លូវ៣៧១ ស្ថិតក្នុងសង្កាត់ចាក់អង្រែលេី ខណ្ឌមានជ័យ រាជធានីភ្នំពេញ ។
ជនរងគ្រោះដែលស្លាប់មានឈ្មោះ ញ៉ួន គិន ភេទប្រុសអាយុ៦៦ឆ្នាំ ចំណែកប្រពន្ធឈ្មោះ លាង ហាក់ អាយុ៦៩ឆ្នាំ ស្នាក់ភូមិត្នោតជ្រុំ សង្កាត់បឹងទំពុន២ ខណ្ឌមានជ័យ។
-ចំណែកអ្នករងរបួស៣នាក់ទៀតនៅមិនទាន់ស្គាលអត្តសញ្ញាណនោះទេ ។
តាមសម្តីកូនជនរងគ្រោះបានឲ្យដឹងថា មុនពេលកេីតហេតុក្រុមគ្រួសាររបស់គាត់បានចូលរួមកម្មវិធីបងប្អូននៅបឹងត្របែក បន្ទាប់មកឪពុកម្តាយគាត់និងកូនស្រីម្នាក់រួមទាំងចៅតូចម្នាក់ទៀតបានមកមុនដោយជិះកង់បីឥណ្ឌាខណះមកដល់ចំណុចកេីតហេតុក៏ជួបគ្រោះថ្នាក់ចរាចរណ៍បែបនេះតែម្តង។
-តាមសាក្សីនៅកន្លែងកេីតហេតុបានឲដឹងថា មុនកេីតហេតុគេបានឃេីញបុរសម្នាក់បេីកម៉ូតូកង់បីឥណ្ឌាពាក់ស្លាកលេខ ភ្នំពេញ 1HA-0153 ពណ៍លឿងដឹកភ្ញៀវចំនួន៤នាក់ប្តីប្រពន្ធកូននិងចៅតូចម្នាក់ទៀតធ្វេីដំណេីរពីជេីងទៅត្បូងបានវ៉ាជែងនិងរថយន្តមួយគ្រឿងតែវ៉ាមិនផុតខណះមកដល់ចំណុចកេីតហេតុក៏ជ្រុលទៅបុកនិងរថយន្តមួយគ្រឿងម៉ាក ហាយឡែនឌ័រ ពណ៍ទឹកប្រាក់ ពាក់ស្លាកលេខ ភ្នំពេញ 2AV-3036 បេីកបរដោយបុរសម្នាក់និងនារីជនជាតិចិនម្នាក់ទៀតរួមដំណេីរបញ្ច្រាស់ទិសដៅគ្នា ចំពីមុខពេញទំហឹងបណ្តាលអោយគៀបតៃកុងកង់បីជាប់ចំណែកភ្លៀវ៤នាក់អង្គុយខាងក្រោយបោកផ្ទប់ស្លាប់ស្ត្រីម្នាក់ភ្លាមនៅកន្លែងកេីតហេតុ ចំណែក៤នាក់ទៀតរបួសធ្ងន់និងស្រាលត្រូវបានបញ្ជូនទៅសង្គ្រោះភ្លាមៗតែបុរសជាប្តីដោយសាររបួសធ្ងន់ធ្ងរពេកក៏ស្លាប់ពេលបញ្ជូនទៅដល់មន្ទីរពេទ្យ។
ក្រោយកេីតហេតុតៃកុងរថយន្តបានចុះគេចខ្លួនបាត់ដោយបន្សល់រថយន្តនិងនារីជនជាតិចិននៅកន្លែងកេីតហេតុត្រូវបានសមត្ថកិច្ចមូលដ្ឋានទំនាក់ទំនងទៅជំនាញមកធ្វេីការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយតាមច្បាប់៕
