ស្ត្រីមេម៉ាយមានជីវភាពខ្វះមុខខ្វះក្រោយ និងមានកូន៣នាក់ក្នុងបន្ទុក បានទទួលអំណោយពី អនុសាខាកាកបាទក្រហមកម្ពុជា ខណ្ឌសែនសុខ
ភ្នំពេញ៖ នៅព្រឹកថ្ងៃចន្ទ ៦រោច ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២២ ខែកក្កដា ឆ្នាំ២០១៩ ក្រុមការងារអនុសាខាកាកបាទក្រហមកម្ពុជា ខណ្ឌសែនសុខ ដឹកនាំដោយ លោក សក់ ច័ន្ទកញ្ញារិទ្ឋ ប្រធាគណៈកម្មាធិការអនុសាខា បានអញ្ជើញទៅចុះសាកសួរសុខទុក្ខ និងផ្តល់អំណោយមនុស្សធម៌កាកបាទក្រហម ជូនដល់ស្ត្រីមេម៉ាយទីទ័ល០១គ្រួសារ ឈ្មោះ លី វី ដែលមានកូនក្នុងបន្ទុក០៣នាក់ មានជីវភាពខ្វះខាតខ្លាំង រស់នៅក្នុងភូមិជាងទង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
អំណោយមនុស្សធម៌ដែលបានចែកជូនមាន៖ អង្ករ០៤បេ ស្មើនឹង១២០គីឡូក្រាម មី០១កេស ទឹកសុទ្ឋ១កេស ទឹកក្រូច០១កេស ស្ករស០២គីឡូ ទឹកត្រី១យួរ សំភារៈផ្ទះបាយ១ឈុត មុង ភូយ កាបូបស្ពាយ០២ និងថវិកាចំនួន២០០.០០០រៀល ក្នងឱកាសនោះលោកស្មៀនសង្កាត់បានចូលរួមថវិកា២០ដុល្លាបន្ថែមផងដែរ។
