ផឹកសុីចំស្រាកាចបោកកែវផ្អើលពេញហាង សន្តិសុខទៅឃាត់វៃទាំងសន្តិសុខទៀត
ភ្នំពេញ៖ បុរសមួយក្រុមមានគ្នា៤នាក់ចូលទៅផឹកសុី ក្នុងហាងគោដុត( រិទ្ធ វិទូ)លុះដល់ពេលពេលស្រវឹង ទាស់សម្ដីគ្នាបោកកែវនិងបង្កហឹង្សា ភ្ញាក់ផ្អើលភ្ញៀវពេញហាង ពេលសន្តិសុខ ទៅឃាត់វៃទាំងសន្តិសុខ
-ហេតុការណ៍នេះកើតឡើងនៅវេលាម៉ោង១០យប់ ថ្ងៃទី២២ ខែកក្កដា ឆ្នាំ២០១៩ នៅក្នុងហាងគោដុត (រិទ្ធ វិទូ )ច្រកចូលទីលានចាក់សម្រាមចាស់ ស្ថិតក្នុងសង្កាត់ស្ទឹងមានជ័យ២ ខណ្ឌមានជ័យ ។
តាមប្រភពព័ត៌មានពីអ្នកចូលផឹកស៊ីក្នុងហាងនោះដែរ បានប្រាប់ឲ្យដឹងថា មុនកើតហេតុគាត់ឃើញបុរស៤នាក់បានចូលមកផឹកស៊ីក្នុងហាងខាងលើ លុះដល់ពេលស្រវឹងរៀងៗខ្លួន ក៏បានទាស់សម្ដីគ្នាបន្តិចបន្ទួច ស្រាប់តែបោកកែវ ផ្អើលដល់ភ្ញៀវផ្សេងអង្គុយក្បែរកំពុងទទួលទានឃើញដូចច្នោះសន្តិសុខ បានចាប់ បុរសដែលបង្កហេតុខាងលើឲ្យចេញមកខាងក្រៅសិន តែដោយសារឥទ្ធិពលស្រាខ្លាំងធ្វើឲ្យក្រុមបុរសជាភ្ញៀវដែលបង្កហេតុនោះបានប្រតាតប្រតប់វាយជាមួយសន្តិសុខថែមទៀតបណ្ដាលឲ្យបុរសម្នាក់របួសប៉ោងមុខមាត់ ។
ក្រោយកើតហេតុ ម្ចាស់ហាងខាងលើបានទាក់ទងទៅសមត្ថកិច្ចមូលដ្ឋាន រួមទាំងអាវុតហត្ថខណ្ឌឲ្យមកជួយ អន្តរាគមន៍ ដោយបានឲ្យភាគីម្ចាស់ហាង និងភ្ញៀវខាងលើសម្របសម្រួលគ្នា ។ ចុងក្រោយភាគីទាំង២មិនបានប្ដឹងផ្ដល់គ្នានោះទេ ហើយបុរសទាំងបួននាក់ក៏បានជិះម៉ូតូចេញពីកន្លែងកើតហេតុរៀងខ្លួនទៅបាត់៕
