ខ្លាំងមែន! អុីធឺណិតយីហោ(777) បង្កប់ល្បែងសុីសងនៅផ្លូវជាតិលេខ៥ អាជ្ញាធរខណ្ឌដូនពេញមិនហ៊ានបង្ក្រាប
ភ្នំពេញ៖ បើទោះបីជាបទបញ្ជារយ៉ាងម៉ឺងម៉ាត់ របស់ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញដាក់ឲ្យអាជ្ញាធរមានសមត្ថកិច្ចទាំង១៤ខណ្ឌ រឹតបន្តឹង នឹង បង្ក្រាបទីតាំងបង្កប់ល្បែងសុីសងគ្រប់ប្រភេទ នៅក្នុងមូលដ្ឋានរបស់ខ្លួនយ៉ាងណាក៏ដោយ ក៏គេនៅសង្កេត ឃើញថា ល្បែងសុីសងនៅក្នុងខណ្ឌដូនពេញនៅតែកើតមានជាច្រើនកន្លែងដោយនៅមិនទាន់អនុវត្តបាននៅឡើយ ។
ជាក់ស្ដែង ទីតាំង បើក អុីនធឺណេត យីហោ (777) បង្កប់ល្បែងសុីសងខុសច្បាប់ នៅតាមបណ្ដោយផ្លូវជាតិលេខ៥ខាងជើងស្ពានជ្រោយចង្វារ សង្កាត់ស្រះចកខណ្ឌដូនពេញ រាជធានីភ្នំពេញ កំពុងបើកដំណើរការយ៉ាងរលូន ។
ប្រជាពលរដ្ឋសូមសំណូមពរដល់លោក សុខពេញវុធ និងលោក ទៀង ចន្ទ័សា សូមចុះពិនិត្យទីតាំងនេះផងព្រោះល្បែងសុីសងទាំង នេះឯងដែលបង្កើតឲ្យមានបទល្មើសចោរឆក់ លួច ប្លន់ ជាដើម ។
សូមរំលឹកថា ឯកឧត្ដម អភិបាល រាជធានី ភ្នំពេញ បានដាក់បទបញ្ជាដល់អាជ្ញាធរមូលដ្ឋានទាំងអស់ត្រូវដោះស្រាយបញ្ហាល្បែងស៊ីសងខុសច្បាប់ឱ្យខានតែបាន ដើម្បីធានាសន្តិសុខសណ្តាប់ធ្នាប់នៅក្នុង សង្គម ជួនប្រជាពលរដ្ឋ ។
-ឯកឧត្ដម អភិបាល បានថ្លែងដូច្នេះក្នុងឱកាសប្រកាសស្តីពី ការដាក់ឱ្យដំណើរការរដ្ឋបាលខណ្ឌបឹងកេងកង នៅរសៀលថ្ងៃទី២០ ខែមិថុនា ឆ្នាំ២០១៩ ដោយ ឯកឧត្ដម អភិបាល បានចាត់ទុកថា ការទទួលសំណូកពីជនល្មើសទាំងនោះគឺជា ទង្វើរខុសច្បាប់ដែលមិនអាចលើកលែងឱ្យបានឡើយ ។
ឯកឧត្តម ឃួ ង ស្រេង បានសង្កត់ធ្ងន់ ថា ល្បែងស៊ីសង ខុសច្បាប់ និង បញ្ហា សណ្ដាប់ធ្នាប់សាធារណៈ កុំប៉ះពាល់លុយគេឱ្យសោះ បើប៉ះពាល់លុយគេដោះមិនចេញទេ អនុវត្តន៍ យ៉ាងមិចក៏មិនចេញដែរ បើយកលុយគេ «ខ្ញុំនឹងតម្រឹមរឿងហ្នឹងតែប៉ៈពាល់លុយគេចឹង ទៀត ខ្ញុំត្រូវគិតគូរចូលអភិក្រមចុងក្រោយគឺ វះកាត់ចេញ »៕
