គួរឲ្យរន្ធត់ធ្លាក់ដែកពីលើអាគារ៤២ជាន់ចំរថយន្ដលុចស៊ីស ជង់ជាប់សំណាងល្អមិនមានមនុស្សរងរបួស
ភ្នំពេញ៖ ខ្យល់កន្ត្រាក់ធ្លាក់សំណាញ់និងដែកជាង១ម៉ែត្រ ពីលើអគារ៤២ជាន់មកជង់ទំលុះរថយន្ត លុចសុីស មួយគ្រឿងចតនៅចញ្ចើមផ្លូវ បង្កការភ្ញាក់ផ្អើលកាលពីវេលាម៉ោង២និង១០នាទីរសៀលថ្ងៃទី៣១ខែកក្កដាឆ្នាំ២០១៩ នៅតាមបណ្តោយផ្លូវព្រះស៊ីហនុ ក្នុងសង្កាត់បឹងកេងកង១ ខណ្ឌបឹងកេងកង ព្រុំប្រទល់សង្កាត់ចតុមុខ ខណ្ឌដូនពេញ សំណាគ្មានមនុស្សរងរបួស។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុមានខ្យល់កន្រ្តាក់ខ្លាំងស្រាប់តែធ្លាក់ដែកនិងសំណាញ់ពីលើអគារ៤២ជាន់ មកចាក់ទំលុះរថយន្ដម៉ាក់លុចស៊ីស ព័ណ៌ស ពាក់ស្លាកលេខភ្នំពេញ2AD-4994 មួយគ្រឿងដែលចតនៅលើចិញ្ចើមផ្លូវមុខហាងលក់សំលៀកបំពាក់ លឹម ហុង បណ្ដាលឲ្យរងការខូចខាតកញ្ចក់មុខ និងដំបូលម៉ាស៊ីន តែសំណាងល្អមិនបណ្តាលឲ្យមានមនុស្សរងរបួស។
បន្ទាប់ពីមានកហេតុការកើងឡើងសមត្ថកិច្ចមូលដ្ឋានបានចុះមកដល់កន្លែងកើតហេតុ ដើម្បីត្រួតពិនិត្យ ស្រាប់តែមួយសន្ទុះក្រោយមកខាងតំណាងអាគារ៤២ជាន់បានមកដកយកដែកចេញពីកន្លែងកើតហេតុទៅបាត់ ។
ក្រោយកើតហេតុខាងតំណាងអាគារ៤២ជាន់ និងម្ចាស់រថយន្តរងគ្រោះ បានធ្វើការដោះស្រាយគ្នាដោយមិនរំខានដល់សមត្ថកិច្ចនោះទេ តែទោះជាយ៉ាងណាការចរចារគ្នាត្រូវក្នុងតម្លៃប៉ុន្មាន ខាងម្ចាស់រថយន្តនិងខាងតំណាងក្រុមហ៊ុនអគារ៤២ជាន់នោះមិនបានប្រាប់អោយដឹងនោះទេ ៕
