គួរឲ្យសង្វែក!! ជិះម៉ូតូទៅយកប្រពន្ធចេញពីធ្វើការរោងចក្រ ត្រូវរថយន្តកិនស្លាប់
ភ្នំពេញ៖ រន្ធត់ណាស់! បុរសម្នាក់ដេកស្លាប់នៅក្រោមកង់រថយន្តយ៉ាងអាណោចអធម៌
គ្រោះថ្នាក់ចរាចរណ៍ដ៏រន្ធត់នេះកើតឡើងនៅវេលាម៉ោង ០៨ និង ១០នាទីយប់ ថ្ងៃទី៨ ខែសីហា ឆ្នាំ២០១៩ នៅចំណុចមុខ បញ្ជាការដ្ឋាន កងទ័ពជើងគោក តាមបណ្តោយផ្លូវជាតិលេខ៤ ភូមិត្រពាំងទួល សង្កាត់កំបូល ខណ្ឌកំបូល ។
សពជនរងគ្រោះមានឈ្មោះ យឿង ចំរើន ភេទប្រុស អាយុ៣០ឆ្នាំ មានប្រពន្ធនិងកូន២នាក់ មុខរបរកសិករ ស្នាក់នៅបន្ទប់ផ្ទះជួល ភូមិកន្ទោក សង្កាត់ កន្ទោក ខណ្ឌកំបូល មានស្រុកកំណើត ភូមិតានក ឃុំភក្តី ស្រុកបសេដ្ឋ ខេត្តកំពង់ស្ពឺ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញជនរងគ្រោះជិះម៉ូតូមួយគ្រឿងម៉ាកហុងដាឌ្រីមសង់ស៊េរីឆ្នាំ២០១៧ ពណ៌ខ្មៅ ពាក់ស្លាកលេខភ្នំពេញ1GF-1468 ចេញពីផ្ទះទៅយកប្រពន្ធចេញពីធ្វើការោងចក្រ នៅក្បែរកន្លែងកើតហេតុ ដោយធ្វើដំណើរទិសដៅពីកើតទៅលិច ខណៈមកចំណុចកើតហេតុ មានរថយន្តម៉ាកហុីយ៉ាន់ដាយសណ្តោងដឹកសុីម៉ង់ត៍មួយគ្រឿងក្បាលពណ៌លឿង ពាក់ស្លាកលេខភ្នំពេញ3C-0951ធ្វើដំណើរបញ្ច្រាស់ទិសដៅគ្នាពីលិចទៅកើតក្នុងល្បឿនយ៉ាងលឿន ហើយបានរេចង្កូតមកខាងឆ្វេង ចូលមកចំណីផ្លូវខាងម៉ូតូបុកកិនអូស ប្រហែល៤០ម៉ែត្របណ្តាលឲ្យម៉ូតូនិងជនរងគ្រោះជាប់ក្រោមកង់រថយន្ត ស្លាប់យ៉ាងអាណោចអាធម៌ ។ ចំណែកតៃកុងរថយន្តបង្ក ចុះពីររថយន្តរត់គេចខ្លួនបាត់ស្រមោល។
ក្រោយកើតហេតុសមត្ថកិច្ចមូលដ្ឋាននិងជំនាញចុះមកធ្វើការវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរណ៍ផ្លូវគោក រាជធានីភ្នំពេញរងចាំដោះស្រាយតាមផ្លូវច្បាប់។ ដោឡែកសពជនរងគ្រោះសមត្ថកិច្ចធ្វើកំណត់ហេតុប្រគល់ឲ្យសាច់ញាត្តិយកទៅស្រុកកំណើតធ្វើបុណ្យតាមប្រពៃណី៕
