ក្មេងស្ទាវមួយក្រុមជិះម៉ូតូ២គ្រឿងចេញពីក្លឹប ត្រូវក្មេងស្ទាវមួុយក្រុមទៀតជិះម៉ូតូ៣គ្រឿងដេញវាយបែកក្បាល២នាក់

ភ្នំពេញ៖ ក្រុមក្មេងស្ទាវប្រុសស្រី៧នាក់ជិះម៉ូតូពីរគ្រឿងចេញពីរក្លឹបត្រឡប់ទៅផ្ទះត្រូវក្មេងស្ទាវមួយក្រុមទៀតមានគ្នា៩នាក់ជិះម៉ូតូ​៣​គ្រឿងដេញយកខ្សែក្រវ៉ាត់និងដុំថ្មវាយបណ្តាលឲ្យបែកក្បាលរងរបួសពីរនាក់។
ហេតុការណ៍នេះកើតឡើងនៅវេលាម៉ោង​១និង៣០នាទី​ រំលងអាធ្រាត្រឈានចូលថ្ងៃទី​១៨ខែសីហាឆ្នាំ២០១៩​ នៅតាមបណ្តោយផ្លូវឧកញ្ញាម៉ុងរិទ្ធី សង្កាត់ភ្នំពេញថ្មី ខណ្ឌសែ​ន​សុខ។

តាមសម្តីក្មេងៗប្រុសស្រី៧នាក់ខាងរងគ្រោះបានឲ្យដឹងថា​ មុនកើតហេតុក្រុមរបស់គេ​ជិះម៉ូតូពីរគ្រឿង​ ដោយប្រុសៗ៤នាក់ជិះម៉ូតូឌ្រីម​សង់និងស្រី២នាក់ប្រុសម្នាក់ទៀតជិះម៉ូតូម៉ាក​MSX​ ចេញពីរក្លឹប កម្សាន្តម៉ារីន នៅម្តុំរង្វង់មូលកាំកូសុីធី ធ្វើដំណើរតាមបណ្ដោយ​ផ្លូវ ឧកញ្ញាម៉ុងរិទ្ធី ទិសដៅពីកើតទៅលិចខណៈ​មកដល់ចំណុចកើតហេតុ​ ស្រាប់លេចមុខ ក្រុមក្មេងស្ទាវមួយក្រុមមានគ្នាប្រមាណជា​៩នាក់ជិះម៉ូតូ៣គ្រឿងមិនចាំម៉ាកបានជិះដេញមកពីក្រោយរួចយកដុំថ្មគប់និងក្រវ៉ាត់​វាយទៅលើ​ ក្រុមពួកគេ​ ដោយមិនដឹងមូល​ហេតុ​បណ្តាលឲ្យរងរបួសបែកក្បាលប្រុសៗ​ពីរនាក់ត្រូវរថយន្តសង្គ្រោះដឹកយកទៅព្យា​បាលម្នាក់​ ចំណែកម្នាក់ទៀតរបួសស្រាលទៅ​ព្យាបាលដោយខ្លួនឯង។​ ដោយឡែកក្រុមក្មេងស្ទាវ​ ដែលជាជនដៃដល់បាននាំគ្នាឡើងជិះម៉ូតូគេចខ្លួនបាត់ស្រមោល។

ក្រោយកើតហេតុសមត្ថកិច្ចមូលដ្ឋានបានចុះទៅដល់​ ហើយបានសួនាំរួចឲ្យជនរងគ្រោះទៅពាក្យបណ្តឹងងាយស្រួលសមត្ថកិច្ចធ្វើ​ការ​ស្រាវជ្រាវស្វែករកចាប់ខ្លួនដើម្បីចាត់ការទៅតាមច្បាប់៕