ទើបចេះបេីករថយន្ត១០ថ្ងៃឡេីងបេីករថយន្តភ្ញៀវមានអីបុករះរថយន្ត៣គ្រឿងទៀតខូចខាតយ៉ាងដំណំ
ភ្នំពេញ៖ បុរសម្នាក់ជាសន្តិសុខភោជនីដ្ឋានសាច់អាំងជប៉ុន(យីហោយូរេគី)ទើបចេះបើករថយន្តបាន១០ថ្ងៃឡើងបេីករថយន្តភ្ញៀវយកទុកក៏ជ្រុលបុករះរថយន្តចំនួន៣គ្រឿងរងការខូចខាតយ៉ាងដំណំ ៖ ហេតុការណ៍នេះកេីតឡេីងនៅវេលាម៉ោង៧និង២០នាទីយប់ថ្ងៃទី២០ខែសីហាឆ្នាំ២០១៩ នៅមុខភោជនីដ្ឋានសាច់អាំងជប៉ុន(យីហោ យូរេគី) តាមបណ្តោយផ្លូវ៣៦០ សង្កាត់បឹងកេងកងទី១ ខណ្ឌបឹងកេងកង។
តាមសាក្សីនៅកន្លែងកេីតហេតុបានឲ្យដឹងថា មុនកេីតហេតុគេឃេីញបុរសម្នាក់ជាសន្តិសុខបានឡេីងបេីករថយន្តម៉ាកLangGruiser ពណ៍សពាក់ស្លាកលេខភ្នំពេញ2AU-2268 ដែលជារបស់ភ្ញៀវបំណងចូលចតមុខហាង ស្រាបតែជ្រុលទៅបុករះរថយន្តកាមរីហាយប្រីត ពណ៍ស ដែលធ្វេីដំណេីរ តាមបណ្តោយផ្លូវ៣៦០ទិសដៅពីកេីតទៅលិចរងការខូចខាត។
សាក្សីបន្តថា ភ្លាមៗរថយន្តបង្កនៅមិនទាន់អស់ល្បឿនក៏បន្តទៅបុករថយន្ត បាឡែននិងរថយន្តឡិចស៊ី250Hពណ៍ស ១គ្រឿងទៀត រុញផ្ទប់និងជញ្ជាំងហាង រងការខូចខាតទាំងរថយន្តបង្កចំនួន៤គ្រឿង ។
ក្រោយកេីតហេតុរថយន្តទាំង៤គ្រឿងត្រូវបានម្ចាស់ហាង ធានាចេញមុខដោះស្រាយយករថយន្ត ទៅជួសជុលទាំងអស់៕
