ទុស្សេប្រអប់ភ្លើងឆ្លងឆេះសន្ធោសន្ធៅផ្អើលប្រជាពលរដ្ឋ
ភ្នំពេញ ៖ ឆ្លងចរន្តអគ្គីសនី ផ្ទុះចេញអណ្ដាតភ្លើងឆាបឆេះ សន្ធោសន្ធៅផ្អើលដល់ប្រជាពលរដ្ឋនិងសមត្ថកិច្ច មកអន្តរាគមន៍ កាលពីវេលាម៉ោង១និង៥០នាទីរំលងអាធ្រាតឈាន ចូលថ្ងៃទី២២ ខែសីហាឆ្នាំ២០១៩ នៅតាមបណ្ដោយផ្លូវលេខ១៩៣ កែងផ្លូវលេខ៣៤៨ ក្នុងសង្កាត់ទួលស្វាយព្រៃទី១ ខណ្ឌបឹងកេងកង ។
យោងតាមប្រភពព័ត៌មានពីប្រជាពលរដ្ឋបានឲ្យដឹងថា មុនកើតហេតុគេឃើញ ទុស្សេចេញពីប្រអប់ភ្លើង.ប.ត 479-119 ត្រង់ចំណុចកើតហេតុ រួចក៏មានអណ្ដាតភ្លើងឆាបឆេះរីករាយដាលយ៉ាងសន្ធោសន្ធៅ ធ្វើឲ្យប្រជាពលរដ្ឋដែលកំពុងដេកភ្ញាក់ នាំគ្នារត់ចេញក្រៅផ្ទះទាំងភ័យស្លន់ស្លោរ ។
ប្រភពបន្តថា ពេលនោះប្រជាពលរដ្ឋ និងកម្លាំងសមត្ថកិច្ច បានយកបំពង់ពន្លត់អគ្គីភ័យបាញ់ពន្លត់ អស់ជាច្រើនបំពង់ តែមិនរលត់ ។
បន្ទាប់មកពលរដ្ឋនិងសមត្ថកិច្ច បានទាញ ទយោទឹកបាញ់ពន្លត់ ទើបរលត់ទៅវិញដោយមិនមាននណាម្នាក់រងរបួសនោះទេ៕
