ចោរដាច់យ៉ៃលួចម៉ូតូកញ្ចាស់អ្នកឆ្លុះត្រីយកមកដើរលក់ត្រូវកម្លាំងបញ្ជាការពារចាប់ប្រគល់ឲ្យនគរបាលប៉ុស្តិទឹកថ្លា
ភ្នំពេញ៖ជនសង្ស័យម្នាក់ត្រូវបានកម្លាំងបញ្ជា សង្កាត់ទឹកថ្លា ឃាត់ខ្លូន បន្ទាប់ពីធ្វើសកម្មភាពលួចម៉ូតូសង់កូរ៉កញ្ចាស់មួយគ្រឿងពីអ្នកឆ្លុះត្រីបានសម្រេច រួចជិះដើរលក់
ហេតុការនេះកើតឡើងកាលពីវេលាម៉ោង១និង១០នាទីរំលងអាធ្រាត្រចូលថ្ងៃទី២៣ខែសីហាឆ្នាំ២០១៩នៅចំណុចគល់ស្ពានអាកាស៧មករាខាងលិច តាមបណ្តោយផ្លូវសហពន្ធ័រុស្សី ក្នុងសង្កាត់ថ្លា ខណ្ឌសែនសុខ។
ជនសង្ស័យមានឈ្មោះ ចន្ថារ ភេទប្រុស អាយុជាង៣០ឆ្នាំ មុខរបរមិនពិនប្រាកដ ស្នាក់ភូមិសំបុកចាប សង្កាត់ក្រាំងធ្នុង ខណ្ឌសែនសុខ។
តាមការសារភាពរបស់ជនសង្ស័យបានឲ្យដឹងថា មុនកើតរូបគេបានជិះកង់មួុយគ្រឿងចេញពីកន្លែងស្នាក់នៅ បំណងទៅម្តុំដីវាលមួយកន្លែងក្បែរបូរីឈូកវ៉ា សង្កាត់ កោគរការ ខណ្ឌព្រែកព្នៅ ខណះនោះក៍បានប្រទះឃើញម៉ូតូសង់កូរ៉ពណ៌ក្រហមមួយគ្រឿងពាក់ស្លាកលេខ .ង-3960 ភព1 ខណៈម្ចាស់ទុកចោលរួចដើរឆ្លុះត្រី ។
ជនសង្ស័យបន្តថា ពេលលួចបានខ្លួនយកជិះទៅលេងស្រីស្នេហ៍នៅហាងកាហ្វេមួយកន្លែង ផ្លូវរថភ្លើងម្ដុំត្រឡោកបែក បន្ទាប់ពីអង្គុយបានមួយសន្ទុះក៏បានបន្តដំណើរទៅមុខទៀត លុះមកដល់ចំណុចកើតហេតុបានប្រះនិងកម្លាំងបញ្ជារកាពាររួចប្រាប់ថាចង់លក់ម៉ូតូតម្លៃ៤០ដុល្លារ ក៏ត្រូវបានបញ្ជារការពារឃាត់ខ្លួនតែម្តង។
កម្លាំងបញ្ជារកាពារបានប្រាប់ថា មុនកើតហេតុកម្លាំង៤-៥នាក់កំពុងជិះម៉ូតូល្បាតក្នុងភូមិសាស្ត្រក៍ប្រទះឃើញជនសង្ស័យជិះម៉ូតូមករកលក់តម្លៃ៤០ដុល្លាររួចកម្លាំងបានសួរនាំសង្ស័យក៏ឃាត់តែម្តង។
ក្រោយឃាត់ខ្លួនជនសង្ស័យនិងវត្ថុតាងត្រូវបានកម្លាំងបញ្ជារកាពារនាំទៅប៉ុស្តិ៍នគរបាលទឹកថ្លាដើម្បីសាកសួរ និងធ្វើកំណត់ហេតុបញ្ជួនទៅអធិការខណ្ឌសែនសុខ ចាត់ការបន្ត ៕
