ជនសង្ស័យម្នាក់ត្រូវនគរបាលប៉ុស្តិចាក់អង្រែលើឃាត់ខ្លួនដកហូតថ្នាំញៀន០៩កញ្ចប់តូចធំ
ភ្នំពេញ៖ កម្លាំងនគរបាលប៉ុស្តិ៍ចាក់អង្រែលើ ឃាត់ខ្លួនជនសង្ស័យម្នាក់ដកហូតថ្នាំញៀនចំនួន៩កញ្ចប់តូចធំ ៖ ការឃាត់ខ្លួននេះបានធ្វើឡើងកាលពីវេលាម៉ោង០៨និង០០នាទីយប់ថ្ងៃទី២៤ខែសីហាឆ្នាំ២០១៩ នៅចំណុចសំណង់ មិនរាបរយផ្លូវ៦០ម៉ែត្រក្រុមទី៨ ភូមិ ព្រែកតាគង់ សង្កាត់ចាក់អង្រែលើ ខណ្ឌមាន ជ័យ រាជធានីភ្នំពេញ ។
លោក អ៊ុំ រតនា នាយប៉ុស្តិ៍ នគរបាល ចាក់អង្រែលើ បានឲ្យដឹងថា ជនសង្ស័យមានឈ្មោះ មាន សុភាវុធ ភេទ ប្រុស អាយុ ៣២ ឆ្នាំជនជាតិ ខ្មែរ មុខរបរ និងស្នាក់នៅមិនពិតប្រាកដ ។
លោក នាយប៉ុស្តិ៍ បានបន្តថា មុនឈានដល់ការឃាត់ខ្លួនជនសង្ស័យ គឺ កម្លាំងនគរបាលប៉ុស្តិ៍ ចាក់អង្រែលើ បានធ្វើការ ល្បាតពួនស្ទាក់នៅក្នុងមូលដ្ឋានខណៈមកដល់ចំណុចកើតហេតុខាងលើបានប្រទះឃើញ ជនសង្ស័យ ក៏ហៅ សួរនាំនិងឆែកឆេ រកឃើញថ្នាំញៀន៨កញ្ចប់តូចនិង១កញ្ចប់ធំល្មម បន្ទាប់ក៏បាននាំខ្លួនមកប៉ុស្តិ៍នគរបាលធ្វើការសួរនាំ។
បច្ចុប្បន្នជនសង្ស័យ រួមនិងវត្ថុតាងត្រូវបាននគរបាល សាកសួរនិងកសាងសំណុំរឿងបញ្ជួនទៅអធិការនគរបាលខណ្ឌមានជ័យ ចាត់ការបន្តតាមនិតិវិធី ៕
