ស្ត្រី២នាក់ម្តាយនិងកូនត្រូវចោរឆក់កាបូបបាន សម្រេចនៅខណ្ឌដូនពេញនគរបាលមូលដ្ឋានមិនខ្វល់
ភ្នំពេញ៖ ស្ត្រី២នាក់ម្ដាយនិងកូនជិះម៉ូតូត្រូវជនសង្ស័យមួុយក្រុម ជិះម៉ូតូ៣គ្រឿងធ្វើសកម្មភាព ឆក់កាបូបបានសម្រេច រួចជិះម៉ូតូគេចបាត់ស្រមោល
ហេតុការណ៍ការភ្ញាក់ផ្អើលនេះកើតឡើងកាលពីវេលាម៉ោង១១យប់ថ្ងៃទី២៦ខែសីហាឆ្នាំ២០១៩ នៅមុខមជ្ឍមណ្ឌល ការិយ័យពាណិជ្ជកម្មខាងជើងប៉ុស្តិ៍នគរបាលរដ្ឋបាលបឹងរាំង ជាង១០០ម៉ែត្រ តាមបណ្តោយផ្លូវព្រះមុន្នីវង្ស ក្នុងសង្កាត់បឹងរាំង ខណ្ឌដូនពេញ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេស្ត្រីជនរងគ្រោះ២នាក់ម្ដាយនិងកូនជិះម៉ូតូមួយគ្រឿងម៉ាកធូដេ ពណ៌បៃតង ស្លាកលេខភ្នំពេញ1GI-0524ធ្វើដំណើរតាមបណ្តោយផ្លូវព្រះមុន្នីវង្សទិសដៅពីត្បូងទៅជើងខណៈមកដល់ចំណុចកើតហេតុខាងលើស្រាប់តែលេចមុខជនសង្ស័យមួុយក្រុមមានគ្នា៦នាក់ជិះម៉ូតូ៣គ្រឿងម៉ាកឌ្រីមសង់មិនចាំស្លាកលេខធ្វើមកពីរក្រោយរួចធ្វើសកម្មភាពឆក់កាបូបស្ពាយពីរស្ត្រីជាម្តាយនិងជាអ្នកបើកម៉ូតូបានសម្រេចបណ្តាលដួលម៉ូតូរងរបួសម្តាយបែកមុខម៉ាត់សន្លប់ស្តូកស្តឹងមួយសន្ធុះទើបដឹងខ្លួនឡើងវិញចំណែកកូនស្រីរបួសស្រាល។
រីឯជនសង្ស័យ បន្ទាប់ពីធ្វើសកម្មភាព ឆក់កាបូបបាន សម្រេចហើយបាននាំគ្នាជិះគេចខ្លួនដោយសុវត្ថិភាព។ ក្រោយមកគេសង្កេតឃើញនគរបាលប៉ុស្តិ៍ អូរឬស្សី៤ ល្បាតក្នុងភូមិសាស្ត្រដែលជាប់ព្រំប្រទល់និងខណ្ឌដូនពេញ បានចុះមកជួយអន្តរាគមន៍នៅនិងកន្លែងកើតហេតុភ្លាមៗ។ ចំណែកសមត្ថកិច្ចប៉ុស្តិ៍នគរបាល បឹងរាំងដែលជាទឹកដីរបស់ខ្លួនមិនឃើញចុះមកអន្តរាគមន៍នោះទេ ។
ក្រោយកើតហេតុគេឃើញសាច់ញាតិជនរងគ្រោះបានមកដល់រួចយកម៉ូតូនិងបញ្ជួនជនរងគ្រោះ តាមម៉ូតូកង់បីឥណ្ឌាទៅសង្រ្គោះដោយខ្លួនឯង៕
