នគរបាលប៉ុស្តិ៍ស្ទឹងមានជ័យទី៣ ឃាត់ខ្លួន ជនសង្ស័យ២នាក់រួមនិងថ្នាំញៀន៣កញ្ចប់
ភ្នំពេញ៖កម្លាំងនគរបាលប៉ុស្តិស្ទឹងមានជ័យ៣ ឃាត់ខ្លួនជនសង្ស័យចំនួន២នាក់ដកហូតថ្នាំញៀនបាន៣កញ្ចប់តូចធំ
ហេតុការណ៍នេះបានធ្វើឡើងកាលពីវេលាម៉ោង១១ព្រឹកថ្ងៃទី០១ ខែកញ្ញាឆ្នាំ២០១៩ នៅម្ដុំផ្សារដីថ្មី ភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ ។
-ជនសង្ស័យដែលសមត្ថកិច្ចឃាត់ខ្លួនទី១៖មានឈ្មោះ យិន សុផល ភេទប្រុស អាយុ៣៣ឆ្នាំ ស្នាក់នៅ ម្តុំផ្សារដីថ្មី ភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ ។
-ទី២មានឈ្មោះ ឈិត ឡាង ភេទប្រុសអាយុ ១៦ឆ្នាំ មុខរបរ កម្មករសំណង់ ស្នាក់នៅផ្ទះជួល ម្តុំផ្សារដីថ្មី សង្កាត់ស្ទឹងមានជ័យ៣ ខណ្ឌមានជ័យ ។
លោក ឯមភារី នាយប៉ុស្តិ៍នគរបាលរដ្ឋបាលស្ទឹងមានជ័យទី៣ បានឲ្យដឹងថា មុនឃាត់ខ្លួនជនសង្ស័យ កម្លាំងនគរបាលប៉ុស្តិ៍ដែលដឹកនាំផ្ទាល់ ដោយរូបលោក បានធ្វើការល្បាតក្នុងមូលដ្ឋានដើម្បីទប់ស្កាត់បទល្មើសផ្សេងៗដែលអាចកើតឡើងដើម្បីធានាសុខសុវត្តិភាពជួនប្រជាពលរដ្ឋ ។
លោក ឯម ភារី បានបន្តថា ខណៈល្បាតមកដល់ចំនុចខាងលើក៍ប្រទះឃើញ បុរស២នាក់ កំពុងតែឈរ ដោយមានការសង្ស័យ កម្លាំងសមត្ថកិច្ច សុំធ្វើការឆែកឆេរ ស្រាប់តែរកឃើញ ថ្នាំប្រភេទក្រាមសថ្លា ចំនួន៣កញ្ចប់តូចធំ ទេីបនាំខ្លួនយកមកប៉ុស្តិនគរបាលស្ទឹងមានជ័យ៣ ធ្វើការសាកសួរ ។
-លោក បានបន្ថែមទៀតថា នៅចំពោះមុខ សមត្ថកិច្ច ជនសង្ស័យបានសារភាពថា ថ្នាំញៀនទាំងនេះពិតជារបស់ ពួកគេពិតប្រាកដ មែន គឺពួកគេ ស៊ីស្នួលលក់បន្តអោយគេ ក្នុងមួយកញ្ចក់ តំលៃចំនួន២ម៉ឺនរៀល ។
បច្ចុប្បន្ន ជនសង្ស័យរួមនិងវត្ថុតាង ត្រូវបាននគរបាល កសាងសំណុំរឿង បញ្ជួនទៅកាន់អធិការដ្ឋាននគរបាល ខណ្ឌមានជ័យដើម្បីចាត់ការបន្តតាមនិតិវិធីច្បាប់ ៕
