យុវជន២នាក់ជិះម៉ូតូលឿនមិនប្រយត្ន័ជ្រុលទៅបុកសមត្ថកិច្ចរបួសស្រាល រីឯខ្លួនឯងរបួសធ្ងន់ទាំង២នាក់
ភ្នំពេញ៖យុវជន២នាក់ជិះម៉ូតូធន់ធំមួយគ្រឿង ឌុបគ្នាបោះពួយយ៉ាងលឿន មិនប្រយត្ន័ជ្រុលទៅបុកម៉ូតូនគរបាល ដួលបោកនឹងថ្នល់របួសធ្ងន់ទាំងពីរនាក់ ចំណែក នគរបាលរបួសស្រាល ។
គ្រោះថ្នាក់ចរាចរណ៍នេះកេីតឡេីងកាលពីវេលាម៉ោង១និង១០នាទីរំលងអធ្រាត្រចូលថ្ងៃទី៥ ខែកញ្ញា ឆ្នាំ២០១៩ នៅចំណុចគោលដៅប្រចាំការ ស្តុប២៤ម៉ោង ផ្លូវហាណូយ កែងផ្លូវសម្ដេចជាស៊ីម សង្កាត់ឃ្មួញ ខណ្ឌសែនសុខ ។
តាមសម្ដីសមត្ថកិច្ចរងគ្រោះបានប្រាប់ឱ្យដឹងថា នៅមុនពេលកើតហេតុ គាត់បានបើកម៉ូតូប្រដេញមួយគ្រឿងរបស់អង្គភាព ម៉ាក FTR ពណ៍ខៀវ ស្លាកលេខ នគរបាល 1.7595 ត្រឡប់មកពីល្បាត យកកន្ទេល មកក្រាលសម្រាកនៅចំណុចគោលដៅខាងលើដោយឈប់ម៉ូតូអែបនៅមុខគោលដៅមិនទាន់បានចុះពីលេីម៉ូតូផង ស្រាប់តែមានយុវជន២នាក់ ជិះម៉ូតូមួយគ្រឿងម៉ាក Duck-KTM 200 ពណ៌ខ្មៅ លាយក្រហម ស្លាកលេខភ្នំពេញ 1FF-1792 ឌុបគ្នា តាមបណ្ដោយផ្លូវសម្ដេចជាស៊ីម ទិសដៅពីកេីតមកលិច ក្នុងល្បឿនលឿនជ្រុលមកបុកចំម៉ូតូរបស់គាត់ពីក្រោយពេញទំហឹង ប៉ើងខ្ទាតទាំងម៉ូតូទាំងមនុស្សបោកនឹងថ្នល់ទាំងបីនាក់ បណ្ដាលឲ្យយុវជន២នាក់របួសធ្ងន់ សន្លប់ស្ដូកស្ដឹងត្រូវបានរថយន្ត សាមុយ ដឹកទៅសង្គ្រោះនៅមន្ទីរពេទ្យ ចំណែកសមត្ថកិច្ចរបួសស្រាល ។
ក្រោយកើតហេតុ សមត្ថកិច្ចគោលដៅប៉ុស្តិ៍២៤ម៉ោង បានរាយការណ៍ទៅសមត្ថកិច្ចជំនាញ មកវាស់វែង យកម៉ូតូទៅរក្សាទុកបណ្ដោះអាសន្ន រងចាំដោះស្រាយគ្នា តាមផ្លូវច្បាប់៕
