កូនប្រសារតិរច្ឆាន! កាប់ម្ដាយក្មេកសម្លាប់ត្រូវសមត្ថកិច្ចចាប់បានហើយ! តាមពិតរឿងចឹងសោះ
កំពង់ធំ៖ ជនសង្ស័យជាឃាត.ក កាប់ស្ត្រីម្នាក់ដែលជាម្ដាយក្មេក ជាច្រើនពូថៅស្លាប់យ៉ាងអាណោចអធម៌ នៅស្រុកបារាយណ៍ខេត្តកំពង់ធំ កាលពីរំលងអាធ្រាតថ្ងៃទី៤ខែកញ្ញាឆ្នាំ២០១៩នោះពេលនេះត្រូវសមត្ថកិច្ចចាប់ខ្លួនបានហើយ ។
សមត្ថកិច្ចបានឲ្យដឹងថា ជនសង្ស័យជាឃាតក មានឈ្មោះ ម៉ុល វុទ្ធ ភេទប្រុស អាយុ២៨ឆ្នាំរស់នៅភូមិត្រពាំងជ្រៃ ឃុំបល្ល័ង្ក ស្រុកបារាយណ៏ ខេត្តកំពង់ធំ ត្រូវជាកូនប្រសារជនរងគ្រោះ ។ ចំណែកសពជនរងគ្រោះមានឈ្មោះ ដួល ឃាង អាយុ៥១ឆ្នាំរស់នៅភូមិត្រពាំងជ្រៃ ឃុំបល្ល័ង្ក ស្រុកបារាយណ៏ ខេត្តកំពង់ធំ ។
សមត្ថកិច្ចបន្តថា កាលពីវេលាម៉ោង២និង៣០នាទីរំលងអាធ្រាតថ្ងៃទី៤ខែកញ្ញាឆ្នាំ២០១៩ ជនសង្ស័យជាឃាត់ក បានធ្វើសកម្មភាពហែកជញ្ជាំងផ្ទះ(ជញ្ជាំងធ្វើពីរនាបឬស្សី)ចូលទៅកាប់ជនរងគ្រោះជាច្រេីនពូថៅ (ចំក្បាល ខ្នង ដៃ) បណ្តាលអោយស្លាប់នៅក្នុងផ្ទះ រួចបានរត់គេចខ្លួនបានជាច្រើនម៉ោងក៏ត្រូវកម្លាំងសមត្ថកិច្ចធ្វើការស្រាវជ្រាវចាប់ខ្លួនតែម្ដង ។
សមត្ថកិច្ចបន្តទៀតថា ចំពោះមូលហេតុ កូនប្រសារ បានឈ្លោះទាស់ទែងជាមួយប្រពន្ធ ជាងមួយខែកន្លងមកហេីយ ប្រពន្ធបានទៅធ្វេីការនៅប្រទេសថៃ ជនល្មេីសខឹងនិងម្តាយក្មេក មិនជួយសម្រូសសម្រួលហេតុអីបានជាឲ្យប្រពន្ធ ទៅធ្វេីការនៅប្រទេសថៃ? ដោយមានគំនុំទើបកូនប្រសារសម្រេចចិត្តកាប់ម្ដាយក្មេកបែបនេះ។
បច្ចុប្បន្នឃាតករ ដែលជាកូនប្រសារត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលស្រុកបារាយណ៏ ដើម្បីចាត់ការតាមនីតិវិធីច្បាប់៕
