បើករថយន្តពេលភ្លៀងមិនប្រយត្ន័រអិលធ្លាក់ផ្លូវក្រឡាប់ផ្ងាជើងរបួសធ្ងន់៣នាក់

ភ្នំពេញ៖ រថយន្តហុីយ៉ាន់ដាយដឹកសម្ភារៈសំណង់បើកបរ ក្នុងល្បឿនលឿនមិនប្រុងប្រយ័ត្នបានរេចង្កូតជ្រុលធ្លាក់ផ្លូវក្រឡាប់ផ្ងារជើងបណ្ដាលឲ្យរងរបួសធ្ងន់៣នាក់ត្រូវបាន រថយន្តសាម៉ុយដឹកយកទៅសង្រ្គោះនៅមន្ទីរពេទ្យភ្លាមៗ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលវេលាម៉ោង០២នឹង២០នាទីរសៀលនៅតាមបណ្ដោយផ្លូវ ៥០ម៉ែត្រភូមិព្រៃថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ។

អ្នកបើកបរមាន ឈ្មោះ ថៃ ផាណា ភេទប្រុស អាយុ ៣៨ឆ្នាំ មុខរបបើកបរ មានស្រុកកំណើត ឃុំវាល ស្រុកកណ្ដៀង ខេត្តពោធិសាត់។ ចំណែកអ្នករួមដំណើរ២នាក់ទៀតមិនស្គាល់ឈ្មោះ អ្នកទាំង៣រងរបួសធ្ងន់ ។

បើតាមប្រភពព័ត៌មាននៅកន្លែងកើតហេតុបានអោយដឹងថា មុនពេលកើតហេតុគេបានឃើញរថយន្តមួយគ្រឿងម៉ាកហុីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3D-4812 បើកបរដោយបុរសម្នាក់តាមបណ្ដោយផ្កូវ៥០ ម៉ែត្រ ទិសដៅពីលិចទៅកើតក្នុងល្បឿនលឿន ខណៈមេឃកំពុងភ្លៀង លុះមកដល់ចំណុចកើតហេតុមិនប្រុងប្រយត្ន័ស្រាប់តែរថយន្តរអិលរេចង្កូតធ្លាក់ផ្លូវក្រឡាប់ផ្ងាជើងបណ្ដាលឲ្យអ្នកបើកបរនិងរួមទាំងអ្នកដំណើរគៀបជាប់ក្នុងរថយន្តរងរបួសធ្ងន់បានប្រជាពលរដ្ឋជួយគាស់យកចេញដឹកតាមរថយន្តសាម៉ុយបញ្ជួនទៅសង្គ្រោះនៅមន្ទីរពេទ្យ ។

ក្រោយកើតហេតុសមត្ថកិច្ចជំនាញបានចុះមកដល់ធ្វើការវាស់វែងស្ទូចយករថយន្តទៅរក្សាទុកនៅអធិការដ្ឋាននគរ បាលខណ្ឌដង្កោរងចាំដោះស្រាយនៅពេលក្រោយ ៕