ស្ត្រីម្នាក់ត្រូវខ្សែភ្លើងឆក់ស្លាប់គួរឲ្យសង្វេក
កំពត៖ ស្ត្រីវ័យចំណាស់ម្នាក់ត្រូវចរន្តអគ្គិសនីឆក់ស្លាប់បាត់បង់ជីវិតយ៉ាងអាណោចអធម៌
ហេតុការណ៍ភ្ញាក់ផ្អើលគួរឲ្យសង្វេកនេះបានកើតឡើងកាលពីវេលាម៉ោង៩និង១០នាទីព្រឹកថ្ងៃទី១៣ខែកញ្ញាឆ្នាំ២០១៩ នៅភូមិកំពង់ត្រាចទី២ ឃុំកំពង់ត្រាចខាងលិច ស្រុកកំពង់ត្រាច ខេត្តកំពត ។
សមត្ថកិច្ចបានអោយដឹងថា ស្ត្រីរងគ្រោះមានឈ្មោះ សៅ អឿន ភេទស្រី អាយុ៥៨ឆ្នាំមានទីលំនៅ ភូមិឃុំ កើតហេតុខាងលើ។
សមត្ថកិច្ចបន្តថា មុនពេលកើតហេតុ ស្ត្រីរងគ្រោះបានយកអំពូលភ្លើងទៅផ្លាស់ប្ដូរដោយមានការធ្វេសប្រហេសក៏ត្រូវឆ្លងចរន្តអគ្គិសនីឆក់ស្លាប់តែម្ដង ។
សមត្ថកិច្ចឲ្យដឹងទៀតថា ក្រោយកើតហេតុសមត្ថកិច្ចជំនាញបានចុះទៅដល់កន្លែងកើតហេតុពិនិត្យនិងធ្វើកោសល្យវិច័យបញ្ជាក់ថាជនងគ្រោះពិតជាស្លាប់ដោយសារចរន្តអគ្គិសនីឆក់ពិតមែន រួចបានធ្វើកំណត់ហេតុប្រគល់អោយក្រុមគ្រួសារធ្វើតាមប្រពៃណី ៕
