ឃ្លាំងជួសជុលម៉ាស៉ីត្រជាក់មួយកន្លែងត្រូវអគ្គីភ័យឆាបឆេះ…
ភ្នំពេញ៖ អគ្គិភ័យបានឆាបឆេះឃ្លាំងជួសជុលម៉ាស៉ីនត្រជាក់និងឃ្លាំងលក់រថយន្ត មួយកន្លែងយ៉ាងសន្ធោសន្ធៅ បង្កឲ្យមានការភ្ញាក់ផ្អេីលដល់ប្រជាពលរដ្ឋនិងសមត្ថកិច្ចមូលដ្ឋានចេញរថយន្តពន្លត់អគ្គីភ័យជាច្រើនគ្រឿងអន្តរាគមន៍បាញ់ពន្លត់
គ្រោះអគ្គិភ័យនេះកើតឡើងកាលពីវេលាម៉ោង០៥និង៤៥នាទីល្ងាចថ្ងៃទី១៥ខែកញ្ញា ឆ្នាំ២០១៩ នៅចំណុចឃ្លាំងជួសជុលម៉ាស៉ីនត្រជាក់ នៅក្បែស្ពានអាកាសផ្សារដីហុយ តាមបណ្តោយផ្លូវហាណូយ ក្រុមទី០៨ភូមិចុងផ្លូវខាងលិចសង្កាត់ទឹកថ្លា ខណ្ឌសែនសុខ ។
សមត្ថកិច្ចបានឲ្យដឹងថា ម្ចាស់ឈ្មោះ ទីតាំងមានឈ្មោះ តុង ធូ ភេទប្រុស អាយុ ៨៣ឆ្នាំ មុខរបរនៅផ្ទះ កន្លែងកើតហេតុ
តាមប្រភពព័ត៌មានពីប្រជាពលរដ្ឋនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញមានផ្សែងហ៊ុយចេញពីក្នុងឃ្លាំងជួសជុលម៉ាស៉ីនត្រជាក់ នៅក្រោយ និង ឃ្លាំងលក់រថយន្តលេខ9A រួចបានបង្កជាអណ្ដាតភ្លើងឆាបឆេះ សន្ធោសន្ធៅភ្លាមៗ ប្រជាពលរដ្ឋបានរាយការណ៍ទៅសមត្ថកិច្ចមូលដ្ឋាន និងហៅរថយន្តពន្លត់អគ្គិភ័យជាច្រេីនគ្រឿងមកអន្តរាគមន៍បាញ់ពន្លត់ដើម្បីបង្កាមិនអោយរាលដាលឆេះបន្តដល់ផ្ទះប្រជាពលរដ្ឋផ្សេងៗទៀត ។
លោកវរៈសេនីយ៍ឯក ព្រហ្ម យ៉ន នាយការិយាល័យ នគរបាល បង្ការពន្លត់អគ្គិភ័យ និងសង្គ្រោះ នៃស្នងការដ្ឋាន នគរបាលរាជធានីភ្នំពេញបានឲ្យដឹងថា ក្រោយពីទទួលបានព័ត៌មាន កម្លាំងនគរបាល បានចេញរថយន្តជាច្រើនគ្រឿងមកជួយអន្តគមន៍បាញ់ពន្លត់ រហូតមកដល់វេលាម៉ោង៦និង៤០នាទីយប់ ទេីបអគ្គិភ័យរលត់ទៅវិញទាំងស្រុង ។
លោកវរៈសេនីយ៍ឯក បានបញ្ជាក់ថា នៅក្នុងហេតុការណ៍គ្រោះអគ្គិភ័យនេះរថយន្តពន្លត់អគ្គិភ័យបានមកដល់កន្លែងកើតហេតុចំនួន២៧គ្រឿង បាញ់ទឹកអស់២៤គ្រឿង ទេីបអាចគ្រប់គ្រង់បានជាស្ថាពរ ។
សមត្ថកិច្ច នៅមិនទាន់បញ្ជាក់ឲ្យច្បាស់ អំពីមូលហេតុនៃអគ្គីភ័យនេះនៅឡើយទេ ចំពោះការខូចខាតរួមមាន៖ រថយន្ត០២គ្រឿងម៉ាស៊ីនត្រជាក់មួយចំនួនតែមិនបណ្តាលឲ្យមានអ្នកងរបួសនិងឆេះរាលដាលដល់ផ្ទះអ្នកជិតខាងឡេីយ ៕
