ជិះម៉ូតូលឿន មិនប្រយ័ត្ន ជ្រុលបុករថយន្តពីក្រោយដួលបោកក្បាលស្លាប់
ភ្នំពេញ៖ បុរសម្នាក់បើកម៉ូតូលឿនមិនប្រយត្ន័ ជ្រុលទៅបុកគូទរថយន្តពីក្រោយដួលបោកក្បាលស្លាប់ យ៉ាងអាណោចអធម៌
គ្រោះថ្នាក់ចរាចរណ៍ដ៏រន្ធត់នេះកើតឡើ ងកាលពីវេលាម៉ោង០៨និង៣០នាទីយប់ថ្ងៃទី ១៥ ខែកញ្ញាឆ្នាំ២០១៩ នៅតាមបណ្ដោយផ្លូវបេតុង សង្កាត់ជ្រោយចង្វារខណ្ឌជ្រោយចង្វារ ។
សពជនរងគ្រោះមានឈ្មោះ ម៉ាត់ សម្រូត ភេទប្រុសអាយុ៣៦ឆ្នាំ ជនជាតិខ្មែរឥស្លាម មុខរបរ លក់សាច់គោ រស់នៅភូមិដេីមគរ សង្កាត់ជ្រោយចង្វារ ខណ្ឌជ្រោយចង្វារ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសរងគ្រោះជិះម៉ូតូមួយគ្រឿងម៉ាក ឃ្លីក ពណ៌ស ពាក់ស្លាកលេខ ភ្នំពេញ 1HP-0300ជិះម្នាក់ឯងដោយមិនបានពាក់មួកសុវត្តិភាព ធ្វើដំណើរតាមបណ្ដោយផ្លូវបេតុង រួចបត់ឆ្វេងតាម សំដៅកុងសុីកាប់គោគោលបំណងទៅទិញគោទុកកាប់លក់នៅពេលព្រឹក លុះមកដល់ចំណុចកេីតហេតុក៏ជ្រុលបុករថយន្តមួយគ្រឿងមិនម៉ាក ខណៈកំពុងបត់ឆ្លងផ្លូវត្រឡប់ក្រោយ បណ្ដាលឲ្យដួលបោកក្បាលស្លាប់ភ្លាមៗនៅន្លែងកេីតហេតុ ចំណែករថយន្តបានបើកគេចពីកន្លែងបាត់ស្រមោល ។
ក្រោយពេលកើតហេតុក្រុមគ្រួសារជនរងគ្រោះបានទៅមកដល់កន្លែងកើតហេតុតែមិនបានដាក់ពាក្យបណ្ដឹងអ្វីទេ សុំតែយកសពប្ដីទៅផ្ទះធ្វើបុណ្យតាមប្រពៃណីរបស់ជនជាតិខ្មែរឥស្លាមតែប៉ុណ្ណះ៕
