ឡើងសំងំដំបូលផ្ទះ សង្ស័យប៉ងលួចទ្រព្យប្រជាពលរដ្ឋឃើញនាំគ្នាចាប់វាយទ្រោមខ្លួន
ភ្នំពេញ៖ យុវជនម្នាក់ឡើងទៅសំងំលើដំបូលផ្ទះរបស់ប្រជាពលរដ្ឋ សង្ស័យមានបំណងមិនល្អចង់លួចទ្រព្យសម្បត្តិតែត្រូវប្រជាពរដ្ឋឃើញនាំគ្នាពទ្ធ័ចាប់បានវាយឡើងទ្រោមនិងបែកក្បាលហូរឈាមស្រោចខ្លួន
ហេតុការណ៍ភ្ញាក់ផ្អើលនេះបានកើងឡើងកាលពីវេលាម៉ោង៨ និង៣០នាទីយប់ថ្ងៃទី១៦ខែកញ្ញាឆ្នាំ២០១៩ នៅតាមបណ្ដោយផ្លូវលំ ជិតសាលាបឋមសិក្សាទួលសង្កែ ស្ថិតក្នុងសង្កាត់ទួលសង្កែ១ ខណ្ឌឬស្សីកែវ ។
តាមប្រភពពីកន្លែងកើតហេតុបានឲ្យដឹងថា មុនកើតហេតុគេឃើញយុវជនម្នាក់បានឡើងលើដំបូលផ្ទះប្រជាពលរដ្ឋ ដោយសង្ស័យប៉ុនប៉ងចូលលួចទ្រព្យសម្បត្តិ ខណៈម្ចាស់ផ្ទះចាក់សោរមិននៅ ធ្វើឲ្យប្រជាពលរដ្ឋដែលរស់នៅក្បែរឃើញ នាំគ្នាពទ្ធ័ចាប់ ដោយអ្នកខ្លះកាន់ដំបង ខ្លះទៀតកាន់ដុំថ្មបានស្រែកឲ្យចុះធ្វើអោយបុរសជនសង្ស័យភ័យរត់តាមដំបូលផ្ទះទៅខាងក្រោយរួចបានលោតចុះក្រោមរត់ តែត្រូវប្រជាពរដ្ឋដេញចាប់បានវាយបែកក្បាលហូរឈាមស្រោចខ្លួន ទើបប្រគល់ឲ្យសមត្ថកិច្ចយកទៅសួរនាំ ។
ក្រោយកើតហេតុ ជនសង្ស័យត្រូវបានសមត្ថកិច្ចនាំខ្លួនទៅប៉ុស្តិ៍នគរបាលរដ្ឋបាល ទួលសង្កែ១ ដើម្បីសាកសួរនិងកសាងសុំណុំរឿងចាត់ការតាមផ្លូវច្បាប់៕
