កម្លាំងអាជ្ញាធរខណ្ឌមានជ័យបង្ក្រាបទីតាំងចែកចាយគ្រឿងញៀនឃាត់ខ្លួនជនសង្ស័យជាច្រើននាក់
ភ្នំពេញ៖ កម្លាំងគណៈបញ្ជាឯកភាពខណ្ឌមានជ័យ នៅវេលាម៉ោង០៩ព្រឹកថ្ងៃទី១៨ខែកញ្ញា ឆ្នាំ២០១៩ នេះបានបើកប្រតិបត្តិការណ៍បង្រ្កាបទីតាំងចែកចាយគ្រឿងញៀនក្នុងតំបន់ទីលានចាក់សំរាម ស្ថិតក្នុងសង្កាត់ស្ទឹងមានជ័យទី២ខណ្ឌមានជ័យ ដោយមានការបញ្ជាផ្ទាល់ពីលោក ពេជ្រ កែវមុនី អភិបាលខណ្ឌមានជ័យ និងមានការឯកភាពពីលោក ស្រី ម៉ាកនី ព្រះរាជអាជ្ញារងអមសាលាដំបូងរាជធានីភ្នំពេញ ដែលដឹកនាំកម្លាំងដោយ លោក ឌី រ័ត្នខេមរុណ អភិបាលរងខណ្ឌមានជ័យ និង លោក ម៉េង វិមានតារា អធិការនគរបាលខណ្ឌ មានជ័យ។
សមត្ថកិច្ចបានឲ្យដឹងថា ក្នុងប្រតិបត្តិការណ៍នោះកម្លាំងសមត្ថកិច្ច បានធ្វើការឃាត់ខ្លួនជនសង្ស័យប្រុសស្រីជាច្រើននាក់រួមនិងថ្នាំញៀនមួយចំនួនទៀតផង ។
ក្រោយឃាត់ខ្លួនជនសង្ស័យត្រូវបានសមត្ថកិច្ចនាំយកទៅធ្វើការសាកសួរចាត់ការបន្តតាមច្បាប់ ៕
