រថយន្ត អូរឌី បើកបុករបងអង់តែន ទូរទស្សន៍ជាតិធ្លាយ ដូចរឿងកុន
ភ្នំពេញ៖ ពិតជាមិនធម្មតាមែនរថយន្តស៊េរីទំនើបម៉ាកអូរឌីA7 បើកលឿនដូចហោះ បុកទម្លុះរបងអង់តែន ស្ថានីយទូរទស្សន៍ជាតិធ្លាយពីម្ខាងទៅម្ខាង ដូចនៅក្នុងរឿងហុងកុង
ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង០១ និង៣០នាទីរំលងអាធ្រាត្រចូលថ្ងៃទី២៥ ខែកញ្ញា ឆ្នាំ២០១៩ នៅតាមបណ្តោយផ្លូវ២៧៣ សង្កាត់ទួលសង្កែ១ ខណ្ឌឬស្សីកែវ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តស៊េរីទំនើបម៉ាកអូឌីA7ពណ៌ស មួួយគ្រឿងពាក់ស្លាកលេខភ្នំពេញ2BA-8792 ធ្វើដំណើរទិសដៅពីកើតទៅលិចលឿនដូចហោះ ខណៈមកដល់ចំណុចកើតហេតុ ផ្លូវកោង យកចង្កូតមិនទាន់ក៏ជ្រុលទៅបុករបងអង់តែនស្ថានីយទូរទស្សន៍ជាតិពេញទំហឹងបណ្តាលធ្លាយពីម្ខាងទៅម្ខាង ធ្វើឲ្យបង្ក ចូលទៅក្នុងផ្ទប់និងជើងជ្រែញបង្គោលអង់តែនទៅលេងរួច ចំណែកម្ចាស់រថយន្ត ត្រូវគេលាក់បាំង ដោយយកក្តាបន្ទះមកបាំងការពារអ្នកសាព័ត៌មាន មិនអោយថតផ្តិតយករូបភាពសព្វផ្សាយ។
ក្រោយកើតហេតុសមត្ថកិច្ចមូលដ្ឋាននិងជំនាញមកដល់កន្លែងកើតហេតុ និងដោយមានតំណាងខាភាគីរថយន្ត បង្កបានមកដល់ក៏ធ្វើការសម្របសម្រួលជាមួយខាងម្ចាស់ របងដើម្បីបញ្ចប់រឿងនៅកន្លែងកើតហេតុ៕
