បើករថយន្តឡិចសុីសមិនប្រយត្ន័ជ្រុលបុករថយន្តកាមរីឆ្លាម ខ្ទាតទៅប៉ះរថយន្តហាយលេនឌ័ររងការខូចខាត
ភ្នំពេញ ៖ រថយន្តឡិចសុីសRX-330មួយគ្រឿង បើកទៅប៉ះរថយន្តកាមរីឆ្លាមត្រង់ផ្លូវបែកជាបួនបណ្តាលឲ្យរថយន្តកាមរីឆ្លាមខ្ទាតទៅប៉ះរថយន្តហាយលេនឌ័រ មួយគ្រឿងទៀត ចតនៅចិញ្ចើមផ្លូវរងកាខូចខាត
គ្រោះថ្នាក់ចរាចរណ៍នេះកើតឡើងកាលពីវេលាម៉ោង៩យប់ថ្ងៃទី៣០ខែកញ្ញា ឆាំ២០១៩ នៅតាមបណ្តោយផ្លូវ១៥០ កែងនិងផ្លូវ២២៥ សង្កាត់ផ្សារដេប៉េ២ ខណ្ឌទួលគោក។
តាមប្រភពព័ត៌មាននៅកន្លែងកើតហេតុបានឲ្យដឹងថា មុនកើតហេតុគេឃើញរថយន្តឡិចសុីសRX-330មួយគ្រឿងពណ៌ទឹកប្រាក់ ស្លាកលេខភ្នំពេញ2AV-2765 បើកបរតាមបណ្តោយផ្លូវ២២៥ ទិសដៅពីជើងទៅត្បូង ខណៈមកដល់ចំណុចកើតហេតុផ្លូវបែកជាបួន មិនប្រយ័ត្នជ្រុលចង្កូតទៅបុករថយន្តកាមរីឆ្លាមមួយគ្រឿង ពណ៌ប្រផេះស្លាកលេខ ភ្នំពេញ2B-2914 បើកតាមបណ្តោយផ្លូវ១៥០ ទិសដៅពីកើតទៅលិច ចំផ្នែកខាងក្រោយចំហៀងខាងស្តាំពេញទំហឹងធ្វើឲ្យរថយន្តកាមរីឆ្លាមខ្ទាតទៅប៉ះរថយន្តហាយលេនឌ័រមួយគ្រឿង ពណ៌ទឹកប្រាក់ ស្លាកលេខភ្នំពេញ2AM-4653 ដែលចតនៅចិញ្ចើមផ្លូវលេខ១៥០ ចំកាង មុខផ្នែកខាងស្តាំកំពិតរងកាខូចខាត សំណាងល្អមិនបណ្ដាលឲ្យមនុស្សរងរបួស គ្រាន់តែខូចខាតរថយន្តទាំងបីគ្រឿងតែប៉ុណ្ណោះ។
ក្រោយកើតហេតុ សមត្ថកិច្ខមូលដ្ឋានបានចុះទៅដល់កន្លែងកើត ហេតុ តែភាគីទាំងបីបានសូមធ្វើការសម្របសម្រួលបញ្ចប់រឿងនៅនិង កន្លែងដោយមិនរំខានសមត្ថកិច្ច ៕
