ជួយស៊ែយកតែបុណ្យទៅដើម្បីឲ្យសាច់ញាតិគាត់បានដឹង! សពបុរសម្នាក់ចង.ក សម្លាប់ខ្លួននៅកោះពេជ្រ មិនទាន់ស្គាល់អត្តសញ្ញាណនៅឡើយទេ
ភ្នំពេញ ៖ សពបុរសម្នាក់ត្រូវគេប្រទះឃើញចង.ក សម្លាប់ខ្លួននៅលើដេីមស្វាយក្នុងមជ្ឈមណ្ឌលកោះពេជ្រ បង្កការភ្ញាក់ផ្អើលកាលពីវេលាម៉ោង០៤និង០០នាទីទៀបភ្លឺថ្ងៃទី០១ខែតុលាឆ្នាំ២០១៩នៅក្រុមទី៧៨ភូមិទី១៤សង្កាត់ទន្លេបាសាក់ ខណ្ឌ ចំការមន។
សពជនរងគ្រោះមិនទាន់ស្គាល់អត្តសញ្ញាណនៅឡើយទេ ភេទ ប្រុសសម្បុរខ្មៅស្រអែម មាឌធំ កំពស់១,៦២ម៉ែត្រ មានចាក់សាក់អុចៗពណ៏ខៀវនៅលើខ្នងប្រអប់ដៃ,កដៃនិងកំភួនដៃឆ្វេង ។
បើតាមប្រភពព័ត៌មានពីបុរសម្នាក់ដែលជាមេការអនាម័យ នៅកោះពេជ្របានឲ្យដឹងថា នៅមុខពេលមានការភ្ញាក់ផ្អើល រូបគាត់ចេញពីកន្លែងស្នាក់នៅទៅមើលកូនចៅបោសសំអាតនៅទីឃ្លាកោះពេជ្រ ខណៈមកដល់ ស្រាប់តែប្រទះឃើញមានសពមនុស្សប្រុសចង.ក ស្លាប់នៅលើដើមស្វាយ ។ បន្ទាប់មករូបគាត់ ក៏រាយការណ៍ទៅអាជ្ញាធរមូលដ្ឋានចុះមកត្រួតពិនិត្យមើលនៅកន្លែងកើតហេតុ និងបានធ្វើកោសល្យវិច័យ ភ្លាមៗផងដែរ ។
សមត្ថកិច្ចជំនាញកោសល្យវិច័យបានឲ្យដឹងថា បន្ទាប់ពីពិនិត្យទៅលើសពជនរងគ្រោះ មានស្នាមចង.ក និងបានសន្និដ្ឋានថា ជនរងគ្រោះពិតជាស្លាប់ដោយសារចង.ក ពិតប្រាកដមែន រួចក៏បានដឹកទៅតម្កល់នៅវត្តស្ទឹងមានជ័យដេីម្បីស្រាវជ្រាវរកក្រុមគ្រួសារសាច់ញាតិមកទទួលយកសពទៅធ្វើបុណ្យតាមប្រពៃណី៕
