ឃាត់ខ្លួនជនសង្ស័យជាព្រះសង្ឃមួយអង្គបន្ទាប់ពីឆែកឆេរកឃើញថ្នាំញៀន៣កញ្ចប់
តាកែវ ៖ សមត្ថកិច្ចឃាត់ខ្លួនជនសង្ស័យម្នាក់ជាព្រះសង្ឃ បន្ទាប់ពីឆែកឆេររកឃើញថ្នាំញៀន៣កញ្ចប់ មិនទាន់ជក់២កញ្ចប់និង១កញ្ចប់ទៀតជក់រួច
ហេតុការណ៍ឃាត់ខ្លួននេះបានធ្វើឡើងកាលពីវេលាម៉ោង៥និង៣០នាទីល្ងាច ថ្ងៃទី៣០ ខែកញ្ញាឆ្នាំ២០១៩ នៅក្នុងវត្តថ្មអន្ទង ភូមិឱភាសាំង ឃុំកណ្តឹង ស្រុកបាទី ខេត្តតាកែវ ។
សមត្ថកិច្ចបានឲ្យដឹងថា ជនសង្ស័យជាសង្ឃមានឈ្មោះ កី បូរី អាយុ២១ឆ្នាំ ស្នាក់នៅវត្តថ្មអន្ទង ត្រូវបានចៅអធិការវត្ត រាយការណ៍ទៅកម្លាំងជំនាញរបស់អធិការដ្ឋាននគរបាលស្រុកបាទី និងកម្លាំងនគរបាលប៉ុស្តិ៍កណ្តឹងចុះមកឃាត់ខ្លួនករណីប្រើប្រាស់នូវសារធាតុញៀននៅក្នុងវត្តថ្មអន្ទង ដកហូតបាន (ម៉ាទឹកកក)ចំនួន៣កញ្ចប់តូច ជក់រួច១កញ្ចប់ ។
ក្រោយឃាត់ខ្លួនជនសង្ស័យជាសង្ឃ រួចមកក៏ត្រូវបានផ្សឹក ពីសំណាក់ចៅអធិការវត្តការិយាល័យធម្មការ និងសាសនាស្រុកបាទី និងលោកអភិបាលស្រុកបាទី រួចបានបញ្ជូនបន្តទៅកាន់ អធិការដ្ឋាននគរបាលស្រុកបាទី ដើម្បីចាត់ការតាមច្បាប់៕
