ជនសង្ស័យប្រុសស្រី៣នាក់ត្រូវបានសមត្ថកិច្ចខណ្ឌដង្កោ ឃាត់ខ្លួនរួមនិងថ្នាំញៀន១៥កញ្ចប់
ភ្នំពេញ៖ កម្លាំងសមត្ថកិច្ចខណ្ឌដង្កោឃាត់ខ្លួន ជនសង្ស័យប្រុសស្រី៣នាក់ដកហូតគ្រឿងញៀនបាន១៥កញ្ចប់
ហេតុការណ៍នេះបានកើតឡើងកាលពីវេលាម៉ោង០៩និង០០នាទីព្រឹកថ្ងៃទី០១ខែតុលា ឆ្នាំ២០១៩ នៅចំណុចបន្ទប់ជួលលេខ២០ ភូមិម័ល សង្កាត់ដង្កោ ខណ្ឌដង្កោ ។
លោកវរសនីយ៍ឯក ជឹម សុីថា អធិការនគរបាល ខណ្ឌដង្កោ បានឲ្យដឹងថា ជនសង្ស័យដែលកម្លាំងសមត្ថកិច្ច ឃាត់ខ្លួនរួមមាន៖ ទី១-មានឈ្មោះ ឆាង វណ្ណៈ ភេទប្រុស អាយុ ២៥ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅភូមិម័ល សង្កាត់ដង្កោ ខណ្ឌដង្កោ ។
ទី២-ឈ្មោះ ឈួន សុវណ្ណារ៉ា ភេទប្រុសអាយុ២០ឆ្នាំ មុខរបរ មិនពិតប្រាកដ ស្នាក់នៅបន្ទប់ជួល ភូមិម័ល សង្កាត់ដង្កោ ខណ្ឌដង្កោ។
ទី៣-ឈ្មោះ ឌឹម ដាវី ភេទស្រី អាយុ ១៩ឆ្នាំ មុខរបរ មិនពិតប្រាកដ ស្នាក់នៅបន្ទប់ជួលលេខ២០ ផ្លូវលេខ៣៧១ ភូមិម័ល សង្កាត់ដង្កោ ខណ្ឌដង្កោ ។
លោក ជឹម សុីថា បន្តថា វត្ថុតាងដែលដកហូតរួមមាន ៖ ក្រាមពណ៌សថ្លាចំនួន១៥កញ្ចប់ថង់តូច,ទូរស័ព្ទដៃចំនួន ០៥គ្រឿង និងសម្ភារៈសម្រាប់ប្រើប្រាស់ថ្នាំញៀនមួយចំនួន ។
បច្ចុប្បន្ន ជនសង្ស័យទាំង ០៣នាក់រួមទាំងវត្ថុតាងត្រូវបានឃាត់ខ្លួននិងធ្វើការសាកសួរនៅអធិការដ្ឋាននគរបាលខណ្ឌដង្កោ ដេីម្បីកសាងសំណុំរឿងចាត់ការបន្តតាមច្បាប់ ៕
