សមត្ថកិច្ចចាប់ខ្លួនជនសង្ស័យម្នាក់ពូកែខាងលួចស្លាកលេខរថយន្ត
ភ្នំពេញ៖ ជនសង្ស័យម្នាក់ដែលសកម្មខាងលួចស្លាកលេខរថយន្តត្រូវកម្លាំងនគរបាលប៉ុស្តិ៍ ភ្នំពេញថ្មី ឃាត់ខ្លួនបានកាលពីវេលាម៉ោង០៧និង៣០នាទីយប់ថ្ងៃទី០៦ខែតុលាឆ្នាំ ២០១៩ នៅចំណុច មុខផ្ទះគ្មានលេខ ផ្លូវបេតុង ភូមិបាយ៉ាប សង្កាត់ភ្នំពេញងថ្មី ខណ្ឌសែនសុខ ។
សមត្ថកិច្ចបានអោយដឹងថា ជនសង្ស័យ មានឈ្មោះ កែវ សុខុម ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិផ្សារតូច សង្កាត់ទួលសង្កែ១ ខណ្ឌឬស្សីកែវ ។ ចំណែក ជនរងគ្រោះមាន ឈ្មោះ សយ សុខឡេង ភេទប្រុសអាយុ៤០ឆ្នាំ មុខរបរលក់ដូរ ស្នាក់នៅផ្ទះលេខ៣៦ ផ្លូវបេតុង ភូមិចំការឱឡឹក សង្កាត់កាកាប២ ខណ្ឌពោធិ៍សែនជ័យ ។ សម្ភារៈបាត់បង់ ស្លាកលេខរថយន្ត ០១ លេខ2AI-4846 ។
សមត្ថកិច្ចបន្តថា កាលពីថ្ងៃទី២២ខែកញ្ញាឆ្នាំ២០១៩ កន្លងទៅជនសង្ស័បានធ្វើសកម្មភាពលួចស្លាកលេខរថយន្តរបស់ជនរងគ្រោះប្រព្រឹត្តនៅចំណុចខាងលើ លុះដល់ថ្ងៃទី៦ខែតុលាឆ្នាំ២០១៩ ជនសង្ស័យបានមកធ្វើសកម្មភាពលួចស្លាកលេខរថយន្តម្តងទៀតហើយម្ចាស់ឃើញក៍រាយការណ៍មកសមត្ថកិច្ចប៉ុស្តិ៍ភ្នំពេញថ្មីចុះទៅឃាត់ខ្លួនបានភ្លាមៗតែម្តង។
បច្ចុប្បន្ន ជនសង្ស័យត្រូវបញ្ជួនទៅអធិការនគរបាលខណ្ឌសែនសុខ ដើម្បីកសាងសំណុំរឿងចាត់ការតាមច្បាប់៕
