កម្លាំងអាវុធហត្ថឃាត់ខ្លួនជនសង្ស័យ២នាក់រួមនិងថ្នាំញៀនចំនួន២៥០ដប

បន្ទាយមានជ័យ៖ កម្លាំងកងរាជអាវុធហត្ថខេត្តបន្ទាយមានជ័យ ឃាត់រថយន្ត១គ្រឿងរួមនិងជនសង្ស័យចំនួន២នាក់និងកេវីត តាមីនចំនួន២៥០ដបនិងម៉ាទឹកកក២ថង់តូច
ហេតុការនេះបានកើតឡើងនៅវេលាម៉ោង៣និង៣០នាទី រសៀលថ្ងៃទី២០ខែមិថុនាឆ្នាំ២០១៨តាមបណ្តោយផ្លូវជាតិ លេខ៥ត្រង់ចំណុចស្ពានតាផាន់ស្ថិតក្នុងភូមិក្បាលស្ពានសង្កាត់ ព្រះពន្លាក្រុងសិរីសោភ័ណ ខេត្តបន្ទាយមានជ័យ ។

ជនសង្ស័យដែលឃាត់ខ្លួនទី១៖ មានឈ្មោះឡាយ ទិត្យសីហា ភេទប្រុសអាយុ២៨ឆ្នាំ(ម្ចាស់ថ្នាំ)រស់នៅភូមិជ្រៃកោងឃុំស្លាកែតក្រុង.ខេត្តបាត់ដំបង ។
ទី២៖ មានឈ្មោះ ឌឿម មីនា ភេទប្រុសអាយុ២២ឆ្នាំ(ម្ចាស់ឡាន)រស់នៅភូមិគីឡូម៉ែត្រលេខ៤សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។

លោកវរៈសេនីយ៍ឯក ស ប៊ុនសឿង មេបញ្ជាការរងកងរាជ អាវុធហត្ថខេត្តបន្ទាយមានជ័យបានប្រាប់ថា៖នៅពេលកម្លាំងកងរាជអាវុធហត្ថខេត្តបន្ទាយមានជ័យសហការជាមួយកម្លាំងកងរាជអាវុធហត្ថក្រុងសិរីសោភ័ណនិងមានការសម្រប សម្រួលពីលោក មាស ច័ន្ទពិសិដ្ឋ ព្រៈរាជអាជ្ញាសាលាដំបូងខេត្តបន្ទាយមានជ័យ ។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធ ហត្ថខេត្តបន្ទាយមានជ័យបានស្រាវជ្រាវនិងដេញតាមរថយន្តកាំម៉ារីបានឡែនពណ៌ស្ករដែល ពាក់ស្លាក់លេខបន្ទាយមាន ជ័យ2A.4432ដេញតាំងពីចំណុចភូមិអូរស្ងួតឃុំអូរប្រាសាទ ស្រុកមង្គលបូរី រហូតដល់ចំណុចស្ពានតាផាន់ស្ថិតភូមិក្បាល ស្ពានសង្កាត់ព្រះពន្លាក្រុងសិរីសោភ័ណ ទើបឃាត់រថយន្តនិងជនសង្ស័យបានរួមទាំងដកហូតកេតាមីនចំនួន២៥០ដបនិងថ្នាំញៀនប្រភេទមេតំហ្វេតាមីនហៅខេទឹកកកចំនួន២ថង់តូច។

ក្រោយពេលឃាត់ខ្លួនសង្ស័យទាំង២នាក់ត្រូវបាននាំយកមកធ្វើការសាកសួរនិងកសាងសំណុំរឿងបញ្ចូនទៅសាលាដំបូងខេត្តដើម្បីចាត់ការបន្តតាមនិតិវិធីច្បាប់ ៕