មន្ត្រីយោធា ប្រចាំការនៅ វិមានឈ្នះឈ្នះ ម្នាក់ ជួបគ្រោះថ្នាក់ចរាចរណ៍ស្លាប់គួរឲ្យសង្វេក
ភ្នំពេញ៖ មន្ត្រីយោធាម្នាក់ធ្វើការនៅក្រសួងការពារជាតិ ខណៈជិះម៉ូតូទៅប្រចាំការនៅឯវិមានឈ្នះឈ្នះ អកុសល ត្រូវរថយន្តដឹកទឹកកក មួយគ្រឿងបើកបុកពីក្រោយពេញទំហឹងស្លាប់នៅនិងកន្លែង យ៉ាងអាណោយអធម៌ ភ្លាមៗអ្នកបើកបរត្រូវបានសមត្ថកិច្ចឃាត់ខ្លួនយកទៅធ្វើការសាកសួរ
គ្រោះថ្នាក់ចរាចរណ៍ដ៏រន្ធត់នេះកើតឡើងកាលពីវេលាម៉ោង៧នឹង១០នាទីព្រឹកថ្ងៃទី០៩ ខែតុលា ឆ្នាំ២០១៩ នៅចំណុចមុខវត្តអង្គក្រពេី តាមបណ្តោយផ្លូវវិមានឈ្នះឈ្នះ ភូមិត្រពាំងវែង សង្កាត់គោករកា ខណ្ឌព្រែកព្នៅ។
សពជនរងគ្រោះដែលស្លាប់មានឈ្មោះ ណៃ នី ភេទប្រុស អាយុ៤២ឆ្នាំជាមន្ត្រីយោធា បំរើការងានៅ ក្រសួងការពារជាតិ មានឋានស័ក្ក វរៈសេនីយ៍ទោ ស័ក្ក៤កន្លះ ស្នាក់នៅភូមិកៅសង្កាត់កំបូរល ខណ្ឌកំបូរល ។
-ចំណែកអ្នកបររថយន្តបង្កដែលសមត្ថកិច្ចឃាត់ខ្លួនមានឈ្មោះ ប៊ន វិន ភេទប្រុស អាយុ ២៤ឆ្នាំ មុខរបរ អ្នកបេីកបរ ស្នាក់នៅភូមិចំបក ឃុំល្វែងឬស្សី ស្រុកជីក្រែកខេត្តសៀមរាប។
យោងតាមប្រភពព័ត៌មានពីសាក្សីនៅកន្លែងកើតហតុបានឲ្យដឹងថា មុនពេលកេីតហេតុ គេបានឃេីញបុរសរងគ្រោះជិះម៉ូតូ មួយគ្រឿងម៉ាក ហុងដាឌ្រីមសង់ ពណ៌ខ្មៅ ស៊េរីឆ្នាំ២០១៧ ពាក់ស្លាកលេខភ្នំពេញ1GD-970 3 ដោយធ្វេីដំណេីរតាមបណ្តោយផ្លូវវិមានឈ្នះឈ្នះ ទិសដៅពីត្បូងទៅជេីង ខណៈមកដល់ចំណុច កើតហេតុមុខវត្តអង្គក្រពេី ក៏មានរថយន្ត មួយគ្រឿង ម៉ាក ហ៊ឺយ៉ាន់ដា ពណ៌ស ពាក់ស្លាកលេខភ្នំពេញ2AA-3164 បើកមកពីក្រោយយ៉ាងលឿន ស្របទិសដៅគ្នា មិនប្រយត្ន័ ក៏ជ្រុលទៅបុកពីក្រោយម៉ូតូជនរងគ្រោះដួលអូសជាច្រើនម៉ែត្រ បណ្តាលឲ្យស្លាប់បាត់បង់ជីវិតគួរឲ្យសង្វែក ។ បន្ទាប់ពីបង្កហេតុ អ្នកបើកបរព្យាយាមបើករថយន្តគេច ត្រូវបានបងប្អូនប្រជាពលរដ្ឋដេញតាមចាប់ឃាត់ប្រគល់ឲ្យសមត្ថកិច្ចយកទៅសួរនាំ។
ក្រោយពេលកេីតហេតុ សមត្ថកិច្ចជំនាញចុះមកវាស់វែងយករថយន្តបង្កនិងម៉ូតូព្រមទាំងអ្នកបើកបររថយន្តទៅការិយាល័យចរាចរណ៍ផ្លូវគោក រាជធានីភ្នំពេញ ដើម្បីចាត់ការតាមនិតិវិធីច្បាប់៕
