រថយន្តតាកូម៉ា បុករថយន្ត២គ្រឿងបណ្ដាលឲ្យខូចខាតរួចបើកគេចបាត់
ភ្នំពេញ៖ រថយន្ត៣គ្រឿងបុកបន្តគ្នាបណ្ដាលឲ្យរងការខូចខាត បន្ទាប់ពីកើតហេតុរថយន្តបង្កបានបើករត់គេចបាត់ស្រមោល
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១០និង១៥នាទីយប់ថ្ងៃទី០៩ខែតុលាឆ្នាំ២០១៩ នៅចំណុចមុខការ៉ាស់សាំង តាមបណ្ដោយផ្លូវ សហពន្ធ័រុស្សី សង្កាត់ការកាប១ ខណ្ឌពោធិសែនជ័យ
យោងតាមប្រភពព័ត៌មាននៅកន្លែងកើតហេតុបានអោយដឹងថា មុនពេលកើតហេតុគេឃើញ រថយន្តមួយគ្រឿងម៉ាកហាយឡែនឌ័រ ពណ៌ស្ករពាក់ស្លាកលេខភ្នំពេញ2AD-6472 បើកបរដោយបុរសម្នាក់ ធ្វើដំណើរតាមបណ្ដោយផ្លូវ សហពន្ធ័រុស្សី ទិសដៅពីលិចទៅកើត លុះមកដល់ចំណុចកើតហេតុ បានបត់ឆ្វេងឆ្លងផ្លូវ ខណៈពេលដែលកំពុងឆ្លងស្រាប់តែមានរថយន្តតាកូម៉ាមួយគ្រឿងពាក់ស្លាកលេខភ្នពេញ2R-6709 មិនចាំពណ៌បើកបរដោយបុរសម្នាក់សង្ស័យស្រាវឹងស្រាទិសដៅស្របគ្នាមកបុកពីក្រោយពេញទំហឹងធ្វើអោយរថយន្តហាយឡែនឌ័រខ្ទាតជ្រុលទៅបុករថយន្ត លិចសុីសមួយគ្រឿងទៀតពណ៌ស ពាក់ស្លាកលេខភ្នំពេញ2AK-0759 បើកបរដោយបុរសម្នាក់ ធ្វើដំណើរតាមបណ្ដោយផ្លូវសហពន្ធ័រុស្សុី ទិសដៅពីកើតទៅលិច បណ្ដាលឲ្យខូចខាត សំណាងគ្មានអ្នករងរបួស ។
ប្រភពបន្តថា បន្ទាប់ពីកើតហេតុអ្នកបើកបររថយន្ត តាកូម៉ា បានបើករថយន្តគេចបាត់នៅសលតែរថយន្តរងគ្រោះ២គ្រឿង ។
ក្រោយពេលកើតហេតុសមត្ថកិច្ចមូលដ្ឋានចុះមកដល់តាមរករថយន្តបង្កតែរកមិនឃើញបន្ទាប់មកក៏អោយភាគីទាំង២សម្របសម្រួលគ្នាតែមិនត្រូវ សមត្ថកិច្ចបានវាស់វែងយកទៅរក្សាទុកនៅចរាចរណ៍ រាជធានីភ្នំពេញរងចាំដោយស្រាយនៅពេលក្រោយ ៕
