សមត្ថកិច្ចស្រុកភ្នំព្រឹកបង្ក្រាបទីតាំងល្បែងសុីសង(អាប៉ោង)ចាប់អ្នកលេងល្បែងម្នាក់ដាក់ឡានធ្វេសប្រហេស លោតពីលើឡានស្លាប់
បាត់ដំបង៖ បុរសម្នាក់បានលោតពីលើរថយន្ត របស់សមត្ថកិច្ច បណ្ដាលឲ្យរងរបួសធ្ងន់រួចបានស្លាប់បាត់បងជីវិត បន្ទាប់ពីបញ្ជួនទៅសង្គ្រោះនៅមន្ទីរពេទ្យបង្អែក ស្រុកសំពៅលូន បានជាង២ម៉ោង
ហេតុការណ៍នេះកើតឡើងកាលម៉ោង៩និង៣០នាទីយប់ពីថ្ងៃទី០៩ខែតុលាឆ្នាំ២០១៩ នៅភូមិថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង ។
សពជនរងគ្រោះមានឈ្មោះ ហុង ភារិន (ហៅពៅ)ភេទប្រុស អាយុ៣៦ឆ្នាំមានទីលំនៅ ភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង ។
យោងតាមប្រភពព័ត៌មានបានអោយដឹងថា នៅថ្ងៃទី០៩ខែតុលាឆ្នាំ២០១៩ វេលាម៉ោង០៩និង៣០នាទីយប់ មានកម្លាំងសមត្ថកិច្ចបានចុះបង្ក្រាបទីតាំងល្បែងសុីសង (អាប៉ោង) មួយកន្លែងនៅចំណុច ភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្តបាត់ដំបង ។
ប្រភពបានបន្តថា ក្នុងប្រតិបត្តការណ៍នោះកម្លាំងសមត្ថកិច្ចបានឃាត់ខ្លួនបានអ្នកលេងល្បែងម្នាក់ឈ្មោះ ហុង ភារិន និង ម៉ូតូម៉ាកហុងដា ចំនួន៣គ្រឿង ព្រមទាំងសម្ភារ:សម្រាប់លេងល្បែងមួយចំនួន ចំណែកអ្នកផ្សេងរត់គេចបាត់អស់ ។ បន្ទាប់មកសមត្តកិច្ចក៏បានលើកម៉ូតូ២គ្រឿងដាក់លើ រថយន្តដឹកយកទៅកន្លែង ដោយអោយជនរងគ្រោះជិះជាមួយជួយទប់ម៉ូតូ ខណៈមកចំណុចកើតហេតុជនរងបានលោតទម្លាក់ខ្លួនពីលើរថយន្តសមត្ថកិច្ច បណ្តាលឲ្យរងរបួស ធ្ងន់ ភ្លាមៗកម្លាំងសមត្ថកិច្ចបាបញ្ជូនទៅមន្ទីរបង្អែកស្រុកសំពៅលូន នៅវេលាម៉ោង១០និង៥៥នាទីយប់ លុះដល់វេលាម៉ោង០១និង០០នាទី ចូលថ្ងៃទី១០ខែតុលាឆ្នាំ២០១៩ ជនរងគ្រោះបានដាច់ខ្យល់ស្លាប់តែម្តង។
បច្ចុប្បន្ន សពជនរងគ្រោះត្រូវបានសមត្ថកិច្ចធ្វើកំណត់ហេតុ ប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ជុំវិញករណីនេះអង្គភាពសារព័ត៌មាន(កោះប៉ែន)យើងមិនទាន់សុំការបំភ្លឺពីលោកអធិការនគរបាលស្រុកភ្នំព្រឹកបាននៅឡើងទេ អង្គភាពយើងខ្ញុំរងចាំការបំភ្លឺរាងរាល់ម៉ោងធ្វើការ។ សូមអគុណ
